طلوع سحر سے ستاروں کا خون بھی تو ہو جایا کرتا ہے (نوشین فاطمہ)

طلوع سحر کیونکر فرحت بخش ہو سکتی ہے کہ یہ ستاروں کے خون کا سامان بھی تو ہے ۔
ہر بات کے دو رخ ہوتے ہیں ۔ منفی اور مثبت ۔ یہ ہم پہ منحصر ہے کہ ہم مثبت پہلو کو مدنظر رکھ کر خوشی کا ساتھ دیتے ہیں یا منفی رخ کو سوچتے ہوئے رنجیدہ رہتے ہیں ۔ بقول ہیلن کیلر :
ہر صبح سورج طلوع ہونے کا منظر مایوس لوگوں میں امید کی نئی لہر دوڑا دیتا ہے ۔
ہر چیز کا ایک وقت مقرر ہے ۔ اس سے پہلے مقام الفناء تک کوئی نہیں پہنچ سکتا ۔ ہاں کچھ وقت کے لیے پس منظر میں ضرور چلا جاتا ہے ۔
طلوع سحر نہ تاروں کا خون کرتی ہے اور نہ ہی رات سورج کو ختم کرتی ہے ۔ ایک دوسرے کو صلاحیتوں کے اظہار کے لیے مکمل موقع دیتے ہوئے باری باری پس منظر میں چلے جایا کرتے ہیں ۔
ہم انسان سیکھنا چاہیں تو اس میں بھی بڑا سبق ہے ۔ ہم اپنی باری کا انتظار کرتے ہوئے دوسروں کو بھی آگے بڑھنے کا موقع دے سکتے ہیں ۔ ایک دوسرے کی ٹانگ کھینچنے کے بجائے کچھ دیر کے لیے پس منظر میں چلے جائیے , تارے چھپتے ہیں تو سورج طلوع ہوتا ہے ۔ سورج طلوع ہونے کے ساتھ تاروں کی قربانی کا ذکر بھی آتا ہے ۔ اور جب تک سورج نہیں ڈوبےگا , تارے کیسے نمودار ہوں گے ؟ ۔ اس کا مطلب اپنی خواہشات کا قتل نہیں , بلکہ اپنی باری آنے کا انتظار ہے ۔ ظرف کا کھیل ہے ۔ جب آپ کو دیا گیا وقت مکمل ہو جائے تو سسٹم میں خلل ڈالے بغیر پس منظر میں چلے جائیے ۔ آپ اپنا کردار نبھا چکے ۔ کسی اور کا بھی حق ہے کہ نہیں ؟

 

واہ واہ
آپ نے دنیا کی سب سے بڑی الجھن کو کس آسانی سے سلجھا دیا۔
سبحان اللہ
آپ کی تحریر اگرچہ مختصر ہے مگر بار بار پڑھنے کے لائق ہے۔

زور قلم اور ذیادہ۔

 

شکریہ سر !
آپ کی حوصلہ افزائی اور دعاؤں کی ضرورت ہے ۔

 

اللہ تعالی آپ اپنے حفظ و امان میں رکھیں۔

 

آمین !

 

بالکل درست کہا آپ نے ۔ ان شاء اللہ کوشش رہےگی ۔

 

بہت گہری اور عمدہ باتیں کی ہیں سسٹر آپ نے
اس کو سمجھنے کے لیے اس کی مزید وضاحت بھی ضروری ہے

 

بشرط زندگی اور فرصت ۔

 

بہت خوبصورت تحریر ۔۔۔۔ واہ

 

شکریہ جناب !

 

معذرت کے ساتھ میں اختلاف کرتا ہوں کیونکہ

مثبت اور منفی دو مخالف یا مختلف چیزیں ہیں۔

مثبت اگر فائدہ ہے تو منفی نقصان

مثبت اگر زندگی ہے تو منفی موت

مثبت اگر دوستی ہے تو منفی دشمنی

جبکہ مندرجہ بالاتحریر میں یہ سبق ہے کہ آج اگر آپ کو عروج حاصل ہے تو اللہ کا شکر ادا کریں اور اگر زوال پزیری ہے تو صبر سے کام لیں اور اچھے وقت کا انتظار کریں۔ کائنات میں ثبات کسی مادی شے کو نہیں بس اگر کوئی شے دائمی ہے تو اللہ تعالی کی ذات باری تعالی پے۔

 

میں نے جس پیرائے میں اعتراض کیا ہے وہ ہے ایک ہی چیز کے دو رخ یا ایک ہی سکے کے دو رخ۔

سکہ ایک ایسی اکائی ہے جس کا استعمال ہر شخص ہر روز کرتاہے اور اس کی ایک خاص قدر ہے جو اس کی قیمت تعین کرتی ہے۔

ایک ہی چیز کے دو رخ میری سمجھ سے بالاتر ہیں اور جو مجھے غیر مناسب لگے میں ضرور اعتراض کرتا ہوں تاکہ میری یا میرے دوست کی اصلاح ہوسکے۔

آپ اگر یہ کہتے کہ مثبت اور منفی ایک دوسرے سے منسلک دو اکائیاں ہیں۔ جن کا سامنا ہم سب کو اپنی زندگی میں کرنا پڑتا ہے اور جو لوگ مثبت سوچ اور مثبت عمل کی طرف گامزن رہتے ہیں انھیں اچھے الفاظ سے یاد کیا جاتا ہے اور جو منفی رویوں اور منفی کردار کے حامل ہوتے ہیں ان کا ذکر کم ہی ہوتا ہے۔

امید ہے میں اپنی بات صحیح طریقے سے بلال ملک بھائی تک پہنچا سکا۔

جہاں رہیں خوش رہیں مگر اپنوں سے قربت کا رشتہ جوڑے رکھیں۔

 

بہت پیاری تحریر ،،

 

بہت خوب !!!
بہترین بات کی آپ نے۔