۔::سکون پایا ہے بے کسی نے::۔

سکون پایا ہے بے کسی نے
حدود غم سے نکل گیا ہوں
خیالِ حضرت جب آ گیا ہے
تو گرتے گرتے سنبھل گیا ہوں

کبھی میں صبحِ ازل گیا ہوں
کبھی میں شامِ ابد گیا ہوں
تلاشِ جاناں میں کتنی منزل
خدا ہی جانے نکل گیا ہوں

حرم کی تپتی ہوئی زمیں پر
جگر بچھانے کی آرزو تھی
بہارِخلدِبہی ملی تو
بچا کے دامن نکل گیا ہوں

میرے جنازے پہ رونے والو
فریب میں ہو بغور دیکھو
مرا نہیں ہوں غم نبی میں
لباس ہستی بدل گیا ہوں

یہ شان میری یہ میری قسمت
خشا محبت زہ عقیدت
زباں پہ آتے ہی نام نامی
ادب کے سانچے میں ڈھل گیا ہوں

بفیض حسان ابن ثابت
برنگ نعت نبیِ اکرم
عمل میں شعر و سخن کی لے میں
ادب کے موتی اگل گیا ہوں

http://www.youtube.com/watch?v=osDG-9wi ... ed&search=
میں نے یہ نعت یہاں سے سنتے ہوئے ٹائپ کی ہے۔ لگتا ہے سننے میں کچھ غلطیاں ہوئی ہیں۔ سرخ رنگ میں وہ الفاظ ہیں جو شاید میں نے ٹھیک سے نہیں سنے۔ برائے مہربانی سن کر اصلاح فرمائیں۔ ماشاءاللہ بہت پیاری نعت ہے اور حافظ محمد احسان امین کی آواز میں اور بھی بہت اچھی لگ رہی ہے۔

 

کوئی بندہ میری اصلاح کر دے گا؟ مجھے بہت اچھی لگی ہے یہ نعت، میں پڑھنا چاہوں گی۔

میرا خیال ہے میں پہلی بار میں ہی دو بار پیغام ارسال کر دیا کروں تاکہ جلد جواب ملے۔

 

ماشاءاللہ ۔ آپ نے ساری نعت ٹھیک ٹائپ کی ہے سوائے 2 الفاظ کے۔

بریں کے معنی ہوتے ہیں “ اوپر والا یا اوپر والی “ خلدِ بریں کا مطلب “جنت یا آسمانی جنت“
خوشا ۔۔ خوشی و مسرت کا Expression ہے
حسّان ابن ثابت ۔ ایک جلیل القدر صحابی رسول :saw: جو حضور :saw: کے نعت خوان تھے۔

 

جزاک اللہ

 

بجو جی ۔ کیا آپ نے یہ نعت شریف پڑھی ؟
اگر پڑھی تو کیسی رہی ؟؟

 

آخری شعرکے پہلے مصرعے میں لفظ "عمل"نہیں بلکہ "قمر"یعنی شاعر کا تخلص ہے

 

سکون پایا ہے بے کسی میں
حدود غم سے نکل گیا ہوں
خیالِ حضرت جب آ گیا ہے
تو گرتے گرتے سنبھل گیا ہوں
کبھی میں صبحِ ازل گیا ہوں
کبھی میں شامِ ابد گیا ہوں
تلاشِ جاناں میں کتنی منزل
خدا ہی جانے نکل گیا ہوں
حرم کی تپتی ہوئی زمیں پر
جگر بچھانے کی آرزو تھی
بہارِخلدِبَریں ملی تو
بچا کے دامن نکل گیا ہوں
میرے جنازے پہ رونے والو
فریب میں ہو بغور دیکھو
مرا نہیں ہوں غم نبی میں
لباسِ ہستی بدل گیا ہوں
یہ شان میری یہ میری قسمت
خوشا محبت زہ عقیدت
زباں پہ آتے ہی نام نامی
ادب کے سانچے میں ڈھل گیا ہوں
بفیض حسۤان ابن ثابت
برنگِ نعتِ رسولِ رحمت ﷺ
قمر میں شعر و سخن کی لَے میں
ادب کے موتی اگل گیا ہوں