سوالیہ بیت بازی

کفر کی بحث نہ چھیڑو تو غنیمت ہے یہی
ورنہ بتلائیں گے ہم کون ہے کیسا کافر
۔۔۔۔۔۔۔۔۔۔۔۔۔۔۔۔۔۔۔۔۔
کون لے گا شرارِ جاں کا حساب
دشتِ امروز کے دفینوں سے

 

بے تاب ہے بے خواب ہے معلوم نہیں کیوں
دل ماہی بے آب ہے معلوم نہیں کیوں
۔۔۔۔۔۔۔۔۔۔۔۔۔۔۔۔۔۔۔۔
دوست! انٹرنیٹ پر؟ اچھا، چلو
اور گلے جو لگ کےرونا ہو تو پھر؟

محمد احمد

 

انتہا دیکھ چشمِ عبرت کی
اِس فسانے کی ابتدا مت پوچھ
۔۔۔۔۔۔۔۔۔۔۔۔۔۔۔۔۔۔۔۔۔۔
یہ پری چہرہ لوگ کیسے ہیں؟
غمزہ و عشوہ و ادا کیا ہے؟

 

یہ بھی انداز سخن ہے کے جفا کو تیری
غمزہ و عشوہ و انداز و ادا کہتے ہیں
-----------------------
تو نے دیکھا ہے کبھی اے دیدۂ عبرت کہ گل
ہو کے پیدا خاک سے رنگیں قبا کیونکر ہوا؟

 

رنگ پیراہن کا، خوشبو زلف لہرانے کا نام
موسمِ گُل ہے تمہارے بام پر آنے کا نام
۔۔۔۔۔۔۔۔۔۔۔۔۔۔۔۔۔۔
اس خاک تن کو چاک پر کس نے نیا پیکر دیا
ان گردشوں کی آگ میں کس نے کیا کندن مجھے

 

ابھی اِک دم میں زبان چلنے سے رہ جاتی ہے
درد دل کیوں نہیں کرتا ہے تو اظہار ہنوز؟

 

--------------------------
"تو بنا کے پھر سے بگاڑ دے ، مجھے چاک سے نہ اُتارنا
رہوں کو زہ گر ترے سامنے، مجھے چاک سے نہ اُتارنا
ترا گیلا ہاتھ جو ہٹ گیا مرے بھیگے بھیگے وجود سے
مجھے ڈھانپ لینا ہے آگ نے، مجھے چاک سے نہ اتارنا
----------------
رازداں ہی تو ہے بھروسا کیا
چل گیا یہ بھی کوئی چال تو پھر؟

 

وہی تھا حال میرا، جو بیاں میں آ نہ سکتا تھا
جسے کرتا رہا افشا، سکوتِ رازداں برسوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں اپنی ہی الجھی ہوئی راہوں کا تماشہ
جاتے ہیں جدھر سب میں ادھر کیوں نہیں جاتا

 

کیا خاک آتشِ عشق نے دلِ بے نوائے سراج کو
نہ خطر رہا، نہ حذر رہا، جو رہی سو بے خطری رہی
--------------------
فلک نے ان کو عطا کی ہے خواجگی کہ جنھیں
خبر نہیں روش بندہ پروری کیا ہے؟

 

زمیں بھی ہم عِناں میری، فلک بھی ہم سفر میرا
مِرے اللہ نے مجھ کو کسی سے کم نہیں رکھا
۔۔۔۔۔۔۔۔۔۔۔۔۔۔۔۔۔۔۔۔
آپ اتنے دروغ گو ہو کر بھی
اس قدر قابل ِ یقیں کیوں ہیں ؟

 

ہے ضرورت تجھے دعاؤں کی
مئے غموں کا علاج تھوڑی ہے
---------------------
اِس طرف تو بس گئے ہیں صرف اُس کے رنگ
دیکھتا ہوں آئینے کے پار کون ہے؟

 

آئینے میں سامنا جب ناگہاں ہو جائے گا
پردۂ غیرت وہاں بھی درمیاں ہو جائے گا
۔۔۔۔۔۔۔۔۔۔۔۔۔
پانیوں میں ڈوبتا جاتا ہوں میں
آنکھ میں کس نے سمندر رکھ دیا

 

جو ڈوبنا ہے تو اتنے سکون سے ڈوبو
کہ آس پاس کی لہروں کو بھی پتہ نہ لگے
----------------
وہ زخم دے کے مُجھے حوصلہ بھی دیتا ہے
اب اِس سے بڑھ کے طبیعت شناس کیا دے گا؟

 

نہ آئے سامنے میرے اگر نہیں آتا
مجھے تو اس کے سوا کچھ نظر نہیں آتا
---------------
یہ دھوپ تو ہر رُخ سے پریشان کرے گی
کیوں ڈھونڈ رہے ہو کسی دیوار کا سایہ؟

 

ورنہ تو یہ تیز دھوپ چبھتی ہمیں بھی ہے
ہم چپ کھڑے ہوئے ہیں کہ تو سائباں میں ہے
۔۔۔۔۔۔۔۔۔۔۔۔۔۔۔
کیا سبب تو جو بگاڑتا ہے ظفر سے ہر بار
خو تیری حور شمائل کبھی ایسی تو نہ تھی

 

میں اور تیری بندہ نوازی سے سرگراں
او بدگماں ! نہیں، ارے او بدگماں ! نہیں
--------
بزم کی جان غیر بن بیٹھے
یار کوچے میں سرگراں ہوں گے
----------------------
ہم ہیں مشتاق ،اور وہ بےزار
یا الٰہی! یہ ماجرا کیا ہے؟

 

سرزد ہم سے بے ادبی تو وحشت میں بھی کم ہی ہوئی
کوسوں اس کی اور گئے پر سجدہ ہر ہر گام کیا
-----------
توڑا ہے کس نے نوکِ سناں پر سکوتِ صبر
لب بستگی کو تابِ سخن کون دے گیا؟

 

تمہارے بعد یہ دن تو گذر ہی جاتا ہے
میں شب کو دیر تلک آنسوؤں میں رہتا ہوں
----------------
تم تو کہتے تھے کہ سب قیدی رہائی پا گئے
پھر پسِ دیوارِ زِنداں رات بھر روتا ہے کون؟

 

رو پڑا ہوں تو کوئی بات ہی ایسی ہوگی
میں ،کہ واقف تھا تیرے ہجر کے آداب سے بھی
۔۔۔۔۔۔۔۔۔۔۔۔۔۔۔۔۔۔۔۔
درکار ہے کیا آپ کو اشکوں کی دُکاں سے؟
جلتی ہوئی شمعیں بھی ہیں، کچھ دیدہء تر بھی

 

صفیؔ یہ درد کے سکے یہ اشک کے موتی
وہ بھیجتا ہے محبت کی اُجرتیں کیا کیا
------------------
مَیں بھنور سے تو نکل آئی، اور اب سوچتی ہوں
موجِ ساحل نے کیا ہے مجھے غرقاب کہاں؟

 

کرنے گئے تھے اس سے تغافُل کا ہم گِلہ
کی ایک ہی نگاہ کہ بس خاک ہو گئے
-------------------
محابا کیا ہے، مَیں ضامن، اِدھر دیکھ
شہیدانِ نگہ کا خوں بہا کیا ؟