گلہائے عقیدت بخدمت سرکار ود جہاں ﷺ

ہدیہ ء نعت رسول مقبول ﷺ
ایک طرحی مشاعرے کے لیے لکھے گئی نعت

بھیک تیرے نام کی ہے استعارا نور کا
قافیہ ۔۔ استعارا
ردیف۔۔۔ نور کا

ہے چلا جس نور سے، یہ سارا شجرا نور کا
مصطفی کی ذات ہی ہے، وہ ستارا نور کا

ٹوٹا پہلا کنگرا تھا، کفر کے ایوا نوں کا
آمنہ نے دیکھا تھا جب، پہلا دھارا نو ر کا

چاند بھی مثلِ حسن، صدقہ ہے یہ نعلین کا
چہر ہِ انور تو ہے اک، شاہ پارا نورکا

کتنے نازاں سب ہیں آقا، نام پر تیرے غلام
بر ملا کہتے ہیں ہر دم، تو سہارا نور کا

یافت تیرے در کی ہے، ہم کو کمالِ زیست بھی
مشعلِ مہتاب ہے، ہم پر ضَو پارا نور کا

گھبراؤ نا دیوانو ،اس تنگی ء دوراں سے تم اب
وحشتوں کے دور میں ہے، اک سہارا نور کا

جس بھی دامن میں کھلے ہیں، پھول مدحت کےحسیں
تیرے ہی بحرِ رواں کا،ہے کنارا نور کا

سب مشامِ جان بھی ہیں ،بس رہے خوشبوؤں میں
جب سے دیکھا ہے انہوں نے، اک منارا نور کا

تجھ کو جو ڈاؔ ہر ملا، حسّا ن کا فیضان ہے
بھر لے دامن کو اسی سے، یہ ہے سارا نور کا

مبشر ڈاؔہر

 

بہت بہت شکریہ حوصلہ افزائی کا
والحمد للہ رب العالمین علی نعمۃ التوفیق۔
کما قال اللہ تعالی فی مقامِ اخر
لئن شكرتم لازيدنكم