عبدالقیوم چوہدری صاحب کا تعارف

پرچہ حل کرنے کا وقت: 15 دن

 

السلام علیکم و رحمتہ اللہ
بچپن سے لیکر اب تک ہم میں سے بیشتر کے نصیب میں پرچے ہی آئے ہیں، کبھی ڈیٹ شیٹ کے ساتھ ا ور کبھی بغیر ڈیٹ شیٹ کے۔۔۔
شکر ہے پندرہ دن کی گنجائش دی گئی تھی۔۔ ورنہ تو غیر حاضری ہی لگنی تھی۔
تو اب آتے ہیں سوالوں کی طرف ۔ کوشش ہو گی کہ سب ہی سوالوں کے جواب دے دوں

1- پورا نام؟ اور کس نے رکھا؟
محمد عبدالقیوم - خالو جان نے مبارکباد کے خط میں لکھ کر بھیجا تھا جسے والد مرحوم نے من و عن رکھ دیا۔
2- لقب؟ اور کیوں رکھا گیا؟
لقب نا پہلے کبھی رہا نا اب کوئی ہے۔ ۔۔۔۔۔ البتہ عرفیت بہت رہی ہیں ، اگر جواب میں ان کی اجازت ملی تو الگ سے لکھ دوں گا
3- عمر؟ (لڑکیوں کو غلط بیانی کی اجازت ہے۔)
41 سال 10 ماہ 21 دن
4- شہر، ملک؟ (کب سے یہاں ہیں؟)
جبیل، سعودی عرب۔ 2012 سے
5- تعلیم؟ (حاصل کرنا کیوں ضروری سمجھی؟)
گریجویٹ (ابا جی مرحوم کے چِھتروں سے بہت ڈر لگتا تھااس لیے )
6- مشاغل؟ (اپنے بتانے ہیں، اُن کے نہیں۔)
عمر کے ہر حصے میں مختلف رہے۔ آج کل واحد کام جسے مشغلہ کہہ سکتا ہوں روزانہ کی 6 کلومیٹر واک
7- پیشہ؟ (کاروبارِ محبت سے اِحتراز کریں۔)
آباء تو زمیندار ہی تھے اور خود بھی نام کا ہوں۔۔ لیکن فی الحال ایڈمن جمع (نام کی حد تک ) اکاؤنٹنٹ (اب یہ نہیں پتہ کہ یہ پیشے میں آتا ہے کہ نہیں)
8- مستقبل کے عزائم؟ (اگر زیادہ خطرناک ہوں تو وضاحت سے بیان کریں۔)
مستقبل کے بارے میں پرندوں والی روش ہے۔۔ نا آج تک کبھی آنے والی کل کے بارے میں سوچا، نا آئندہ سوچنے کا ارادہ ہے
9- ہماری اردو سے تعارف کیسے ہوا ؟
میں اور ملک بلال صاحب ایک جگہ چمگادڑوں کا شکار کرتے رہتے ہیں ، بس اسی شکار گاہ میں ہماری اردو سے بھی تعارف ہوا

 

محترم بھائی عبدالقیوم چوہدری صاحب ۔ ہماری اردو کی محفل میں دلی خوش آمدید
آپ کا تعارف پڑھ کر بہت اچھا لگا۔
لیکن ملک بلال اور ھارون رشید بھائی کے تبصرہ جات نے آپ کا تعارف مشکوک بنا دیا

 

ارے صاحب ، زندگی کے ہر پرچے سے کوئی نا کوئی یاد وابستہ ہے۔۔ البتہ یہ ضروری نہیں کہ ہر یاد خوشگوار ہی ہو

عرفیتیں بہت رہیں۔دو تین کا ذکر کیے دیتا ہوں
بہت چھوٹا تھا تو غصہ بہت آتا تھا ، ماموں زاد، خالہ زاد بہنیں جو عمر میں کافی بڑی تھیں کہتی تھی، ہر ویلے 'شوکدا ' رہندہ اے' تو پہلی عرفیت 'شوک' پڑی۔

پھر ویسٹ انڈین کرکٹر میلکم مارشل کی طرز پر تیز گیند بازی کرنے کی وجہ سے کسی نے مارشل کہا اور سکول ختم ہونے تک اصلی نام سے کم اور اس عرفیت سے زیادہ جانا چاہتا تھا۔ حتیٰ کہ ارد گرد کے علاقوں کی ٹیمیں اکثر باہر کھیلے جانے والے میچز کے لیے بطور گیند باز ہمراہ لے جاتیں تھیں۔ جو ان دنوں بڑی قابل فخر بات ہوتی تھی۔ اس زمانے کی انعام میں ملی بنیانوں اور کچھ کپوں کو ہم نے بڑے عرصے سنبھال کر رکھا

کچھ مزید بڑے ہوئے اور روزگار سے وابستہ ہوئے تو داڑھی اور مونچھیں (خصوصاً) بڑھا لیں، کسی کولیگ نے شرارتاً 'کرتار سنگھ' کے نام سے پکارا اور کچھ عرصہ اس عرفیت کے ساتھ گزرا، لیکن اس عرفیت اور حلیے میں میں اتنا رعب داب تھا کہ وہ بہت سے کام جو باقی لوگ انگاروں کے مول کروا پاتے تھے ، ہم صرف شکل دیکھا کر کروا لیتے تھے
لقب نہیں رہا

قید میں راتیں شمار ہوتی ہیں۔
شب ہائے ہجر بھی بہت رہیں۔۔ لیکن یہ وہ ضائع شدہ زندگی ہے جس کا مداوا کوئی نہیں

ماشااللہ۔
ھارون رشید صاحب اوکاڑہ شہر میں میں جی ٹی روڈ پر ایک مدرسہ ہے 'اشرف المدارس' ۔۔ شاید آپ نے دیکھ یا سن رکھا ہو۔ اس مدرسے سے وابستہ کچھ اہل علم سے میرا بہت قریبی تعلق ہے

 

اجی ہمیں یہاں اقتباس لینا نہیں آ رہا۔۔۔ معذرت
۔۔۔۔
فی الحال ٹیکسلا میں آباد ہیں، جبکہ آبائی علاقہ تحصیل کھاریاں ہے

اب شاید بچوں سے ڈر لگتا ہے

زمینداری سے حساب کتب کی طرف جانے کی اصل وجہ وہ شہری زندگی ہے جو بچپن سے گزارتے چلے آ رہے تھے۔ کئی مرتبہ جانے انجانے میں گاؤں پہنچے تو کچھ نہ کچھ زمینداری کے حوالے سے کیا یا کرنا پڑا۔۔۔ بس اس تھوڑےسے کیے کو بہت مشکل جانا اور حساب کتاب کو آسان ۔۔ دوسرے لفظوں میں فرار
گھر واپسی ۔۔۔ بھی شاید کبھی ہو ہی جائے

چمگادڑیں ۔۔ پرندے کہتے ہیں کہ یہ میمل ہیں، اور میمل کہتے ہیں کہ یہ پرندے ہیں
ان خون آشام چمگادڑؤں نے سوشل میڈیا پر جگہ جگہ بسیرا کر رکھا ہے اور دین اسلام اور وطن عزیز کی عزت خاک میں ملانے کی ہر دم سعی کرتی رہتی ہیں۔ ایسی چمگادڑوں کا شکار عین وقت کی ضرورت ہے، جس میں ، میں ملک بلال صاحب کی معاونت کر کے خوشی محسوس کرتا ہوں

ملک صاحب ۔۔۔ شیر کا بھی شکار کر لیں گے

 

اجی ایسا ویسا۔۔۔۔ جسم کے مختلف حصوں ۔۔ خصوصاً کمرکو ذرا غور سے دیکھیں تو دنیا کے مختلف ملکوں کے نقشے یہیں سے مل جائیں گے

 

شکریہ جناب
مشکوک ۔۔۔ وہ بھلا کیسے

 

ھارون رشید جیسے مشکوک بندے سے مشکوکانہ انداز میں مشکوکانہ دوستی کا تذکرہ
چہ معنی دارد ؟؟؟

 

ہارون صاحب سے شناسائی یہیں ہوئی ہے۔ ملک صاحب سے یاد اللہ تھوڑی پرانی ہو چلی

 

شاید آپ سنجیدہ ہوگئے وگرنہ ھارون رشید بھائی سے سلام دعا اب اتنا مشکوک و مخدوش امر بھی نہیں وہ ہمارے بھی بھائی ہیں

 

ارے نہیں بھائی۔۔۔ہر گز سنجیدہ نہیں ۔
لیکن یہ ہارون صاحب کی شخصیت مشکوک کیوں ہے بھلا ؟

 

ھارون رشید بھائی یہاں آکر وضاحت فرمائیں
ہم کچھ عرض کریں گے تو شکایت ہوگی

 

یعنی کہ لفظ مشکوک کے سنتے ہی جو خیالات آتے ہیں وہ بلکل صحیح ہیں۔

نا جی۔۔۔ اتنے سارے پرانے ممبرن ایک تذکرہ بارہا کریں تو کچھ نہ کچھ رولا ہوتا ہے۔
دھواں ایویں نہیں اٹھتا، تسی وی سوچو

 

1122 کو کال کر دیں

 

عبدالقیوم چوہدری صاحب
السلام علیکم
آپ کا تعارف پڑھا اور دیگر تبصرے بھی جان کرخوشی ہوئی۔
مگر جبیل سعودی عرب کا پڑھ کر اشتیاق ہوا کہ آپ سے مخاطب ہوں۔
ناچیز بھی کچھ عرصہ الجبیل میں کام اور قیام کرچکا ہے اور حال ہی میں اس صنعتی شہر کو الوداع کہہ کر پاکستان لوٹا ہوں۔
کیا آپ الجبیل میں نئے وارد ہیں؟ اگر نہیں تو ہماری ملاقات کیوں نہ ہوسکی۔
امید ہے آپ کا قیام بخیر و خوبی انجام پائے گا۔
مخلص
غوری

 

پہلے 1122 کو بتائیں ، وہ تصدیق کریں کہ مشکوک ہی ہے تو پھر پولیس کو کال کیجیے گا۔

 

وعلیکم السلام و رحمتہ اللہ غوری صاحب ۔
بہت شکریہ۔
جبیل میں قیام کو دو سال ہونے کو ہیں۔ فورم پرمیری حاضری ابھی ہوئی تو پہلے جاننے یا ملاقات کا کوئی وسیلہ کیسے بن پاتا !!!
کہاں کام کرتے رہے ہیں ؟ کیا آپ مستقل لوٹ گئے ہیں ؟

 

السلام علیکم
میں جبیل میں سعودی بن لادن گروپ (پیٹرولیم،کیمیکل و معادنیات) اور پی سی ایم سی میں کام کرتا رہا ہوں۔ جبکہ ینبع میں سعودی آرامکو میں بہت عرصہ کام کیا ہے۔ فی الحال ایگزٹ ری انٹری پر آیا ہوں مگر سوچتا ہوں یہیں ٹک جاوں کہ پاکستان میں بہت ذیادہ زندگی کے آثار ہیں۔

 

ماشااللہ
اگر آپ بہت عرصہ پردیس میں گزار چکے ہیں اور اب وطن میں حالات موافق نظر آتے ہیں تو ضرور رک جائیے

 

​