بیت بازی - حصہ دوم

دُنیا کی بےاُصول عداوت تو دیکھئے
ہم بُوالہوس بنے تو وفا عام ہو گئی

 

یہ جو تم سے میں انجان بنا پھرتا ہوں
ساری بات اسی انجانے پن میں ہے

 

یہاں اور بھی ہیں گرفتہ دل کبھی اپنے جیسوں سے جا کے مِل
ترے دکھ سے کم نہیں جن کے دکھ کبھی اُن کی آگ میں جل کے رو

 

وہ تو پھر اللہ ہے پوری کرے گا آرزو
پتھروں سے جب دل کی مرادیں پا لیتے ہیں لوگ

 

گو چل پڑا ہوں،مگر چاہتا ہوں یہ
بڑھ کر مجھے وہ روک لے،اور راستہ نہ دے

 

یہ آنکھ بھی ، یہ خواب بھی ، یہ رات اسی کی
ہر بات پہ یاد آتی ہے ہر بات اسی کی

 

یہ کارِعشق بھی ہے عجب کار ِناتمام
سمجھیں کہ ہو رہا ہے مگر عمر بھر نہ ہو

 

وقتِ وصال کی بھی ایک آرزو ادھوری ہے
ایک آس سی ہمیشہ ہے، ایک خواب سا مسلسل ہے

 

یہ ایک دل ہی تو میرا آخری ہمدرد
اسے بھی حال بتاتے ہوئے لرزتا ہوں

 

نفس کو آنچ پر وہ بھی عمر بھر رکھنا
بڑا محال ہے ہستی کو معتبر رکھنا

 

اب کوئی آئے چلا جائے میں خوش رہتا ہوں
اب کسی شخص کی عادت نہیں ہوتی مجھ کو

 

وقت معلوم کی دہشت سے لرزتا ہوا دل
ڈوبا جاتا ہے کہ مہلت نہیں ملنے والی

 

نہ دل میں کام کی ہمّت، نہ اوج کی خواہش
کٹے وہ حوصلے سارے مِرے پروں کی طرح

 

حق بات پہ کٹتی ہیں تو کٹنے دو زبانیں
جی لیں گے میرے یار بہ اندازِ دگر بھی

 

ان کی نظر بھی پھر گئی، سچ ہے جہان میں
کرتا ہے کون عشق کے ماروں سے گفتگو

 

وہ کسی اور دوا سے مرا کرتا ہے علاج
مبتلا ہوں میں کسی اور ہی بیماری میں

 

نہ ہو ان پہ میرا جو بس نہیں، کہ یہ عاشقی ہے ہوس نہیں
میں انھی کا تھا میں انھی کا ہوں،وہ میرے نہیں تو نہیں سہی

 

اُکتا چُکا یہ دل بھی، نظر بھی، میں آپ بھی
مُدّت سے تیری حسرتِ دیدار کھینچ کر

 

رات بیتی تو گنے آبلے اور پھر سوچا
کون تھا باعث آغاز سفر شام کے بعد

 

دامن کو چھڑا کر وہ گیا ہے جب سے
ہاتھوں کے اسی دن سے اڑے ہیں توتے

 

یوں نہ مل مجھ سے خفا ہو جیسے
ساتھ چل موجِ صبا ہو جیسے

 

یہ میرا صبر مرا حوصلہ گیا غارت
یہ دیکھو آنکھ کی چھلنی سے چھن گیا آنسو

 

وہ رلاتا ہے رلائے مجھے جی بھر کے عدیم
میری آنکھیں ہے وہ میں اس کو رلاؤں کیسے

 

یہ حقیقت ہے کہ احباب کو ہم
یاد ہی کب تھی کہ اب یاد نہیں

 

ناظر مجھے سکون قناعت میں مل گیا
دنیا کہ بھاگتی رہی دولت کے اردگرد

 

دل بھی بجھا ہو شام کی پرچھائیاں بھی ہوں
مر جائیے جو ایسے میں تنہائیاں بھی ہوں

 

نفس نفس کو میرے بے قرار چھوڑ گیا
جو ایک شخص مجھے سوگوار چھوڑ گیا