نعت دل میں اترنے کی کیا بات ہے

~~~~~~~~~~~
نعتِ سرکارِ دو عالم
~~~~~~~~~~~
نعت دل میں اترنے کی کیا بات ہے
آنکھ اور دل کے بھرنے کی کیا بات ہے

جس گلی سے گزرتے تھے آقا مرے
اُس گلی سے گزرنے کی کیا بات ہے

گو ! مدینے میں جینا حسیں ہے بہت
پر ! مدینے میں مرنے کی کیا بات ہے

ڈوب کر یادِ طیبہ میں بند آنکھ میں
سبز گنبد ابھرنے کی کیا بات ہے

دیکھ کر جالیاں اشک تھمتے نہیں
ایسے رخ کے نکھرنے کی کیا بات ہے

شہرِ آقا میں روضے کی اطراف میں
خاک بن کے بکھرنے کی کیا بات ہے

وہ یقیناً شفاعت کریں گے مری
حشر کے دن سے ڈرنے کی کیا بات ہے

عاشی نعتِ نبی کے طفیل اسطرح
عاقبت کے سنورنے کی کیا بات ہے
~~~~~~~~~~~
عائشہ بیگ عاشی
~~~~~~~~~~~~~~~~

 

سبحان اللہ۔

ہر شعر خلوص اور جذبات سے لبریز ہے۔

ڈوب کر یادِ طیبہ میں بند آنکھ میں​

سبز گنبد ابھرنے کی کیا بات ہے​

زور قلم اور ذیادہ۔

دعاگو غوری



​

 

جزاک اللہ خیر غوری صاحب
اللہ صحت و سلامتی کے ساتھ عمر خضر عطا فرمائے آمین

 

سلامتی ہو

 

بہت بہت شکریہ!
اتنی پرخلوص دعائیں آج کے دور میں بڑے نصیب کی بات ہے۔
اللہ تعالی آپ کو ہمیشہ خوش و خرم رکھیں۔ آمین
اپنے کلام اور ادبی کاوشوں سے ہم جیسے طالب علموں کو نوازتے رہیے۔
انشاءاللہ داد و تحسیں میں ہم کوئی کسر نہیں اٹھا رکھیں گے۔
آپ کی آمد سے ہمارے فورم کی رونق میں خاطر خواہ اضافہ ہوا ہے اس سلسلے کو باقاعدگی سے جاری رکھیئے۔
خوش رہیے۔
مخلص غوری

 

پر مدینے میں مرنے کی کیا بات ہے۔

سبحان اللہ ۔ بہت ہی خوبصورت ھدیہ عقیدت ہے۔

 

بہت خوب ۔۔۔۔ سبحان اللہ ۔۔۔۔۔۔۔
اللَّهُمَّ صَلِّ علي مُحَمَّدٍ وَعَلي آلِ مُحَمَّدٍ کَماَ صَلَّيتَ عَلي اِبْرَاھِيمَ وَعَلي آلِ اِبْرَاھِيمَ اِنَّکَ حَمِيدُ مَجِيد, اللَّهُمَّ بَارِک عَلي مُحَمَّدٍ وَّ عَلي آلِ مُحَمَّدٍ کَمَا بَارَکتَ عَلي اِبرَا ھِيمَ وَعَلي آلِ اِبرَاھِيمَ اِنّکَ حَمِيدُ مَّجِيد