داعش کو کس ملک نے فنڈز فراہم کئے؟سابق امریکی جرنیل کا تہلکہ خیز اعتراف

واشنگٹن (نیوز ڈیسک) شدت پسند تنظیم داعش کے خلاف امریکا اربوں ڈالر خرچ کرکے فضائی کارروائی کررہا ہے اور اب زمینی کارروائی کے منصوبوں کی اطلاعات بھی سامنے آرہی ہیں مگر ایک سابق امریکی جرنیل نے داعش کے خلاف لڑنے والے امریکہ کے بارے میں تہلکہ خیز دعویٰ کرتے ہوئے اس کا پول کھول دیا ہے۔
داعش کی جانب سے 15 خواتین کو انتہا ئی خوفناک سزا
جنرل ویزلی کلارک (Wesley Clark) کا کہنا ہے کہ داعش کی تخلیق میں امریکا کا بھی ہاتھ ہے کیونکہ اس کی بنیاد رکھنے کے لئے امریکا کے قریبی حلیفوں اور دوستوں نے فنڈ فراہم کئے تاکہ اسے حزب اللہ کے خلاف فیصلہ کن جنگ کے لئے تیار کیا جاسکے۔ جنرل ویزلی کا اشارہ کن حلیفوں اور دوستوں کی طرف تھا انہوں نے اس کی وضاحت نہیں کی ہے لیکن ان کا یہ ضرور کہنا ہے کہ امریکا اور اس کے دوستوں نے ایک ایسا جن بنایا ہے جو اب ان کے بھی قابو میں نہیں رہا۔
دوسری جانب مغربی تجزیہ کاروں کا کہنا ہے کہ مشرق وسطیٰ میں امریکی حلیف اسرائیل اور کچھ عرب ممالک ایک عرصے سے حزب اللہ اور شامی صدر بشارالاسد کو ختم کرنے کے لئے بے تاب رہے ہیں اور تجزیہ کاروں کا خیال ہے کہ جنرل ویزلی کا اشارہ انہیں ممالک کی طرف ہے۔
دلچسپ بات یہ ہے کہ امریکا اور مشرق وسطیٰ میں اس کے حلیف اور دوست ممالک مسلسل داعش کے خلاف شور بلند کرتے رہے ہیں اور اس کے خلاف جنگی کارروائی کا بھی آغاز کررکھا ہے لیکن یہ اطلاعات متعدد دفع سامنے آچکی ہیں کہ اس تنظیم کی بنیاد رکھنے والے خود امریکا اور اس کے دوست ہیں۔
http://dailypakistan.com.pk/international/22-Feb-2015/196433

 

امریکہ اسرائیل اور مغربی ممالک داعش کو ٹریننگ دینے اور فنڈنگ کرنے میں سب سے آگے ہیں اور اس کے بعد چند عرب ممالک ہیں ۔مغربی ممالک دبے لفظوں میں سودی عرب کا نام لیتے ہیں ۔اللہ جانے صحیح ہے یا غلط