اصلی شہد کی پہچان کے مفید طریقے

زیادہ قابل اعتماد طریقہ یہ ہے کہ شھد کی مکھیوں کا چھتا تلاش کریں...اور ہمت ہو تو خالص شہد اتار لیں.
ورنہ دل کی تسلی کے لئے ٹوٹکے آزما لیں..

 

چھوٹی مکھی اور بڑی مکھی کے شہد میں کیا فرق ہے

 

میری نظر یا سماعت سے نبی کریم صلی اللہ علیہ وسلم کی ایک حدیث گزری تھی ۔شہد کی جانچ پر مبنی یہ تحریرپڑھ کروہ حدیث یادآگئی ۔مفہوم اُس حدیث کا یہ ہے کہ دودھ بغیرکچھ(چینی ،شکر) ملائے استعمال کرناچاہیے اگر کچھ ملایاجائے تو وہ صرف شہد ہے ۔واقعی شہد کی آمیزش سے دودھ زیادہ فائدہ مند، زیادہ خوش ذائقہ اور ذود ہضم ہوجاتاہے۔مگر شہد کے نام پر بھی دھوکہ دہی کاجو سلسلہ جاری ہے اُس سے بچنے کے لیے ہارون الرشید صاحب کی یہ رہنمائی کافی ووافی ہے۔اور ہارون رشید صاحب وہ ہیں، جنھوں نے مجھے اِس فورم پر رکنیت ملنے کے بعد سب سے پہلے خوش آمدیدکہاتھا ،جس پر میں اُن کا ایک بارپھر شکریہ بھی اداکرتا چلوں اور یہ بھی بتاتا جاؤں کہ اُن کا شامل کردہ شہد کی جانچ کایہ طریقہ مع متحرک تصاویر مجھے بہت بہت بہت پسند آیا ۔ جدیدذرائع اور وسائل کو تعلیم وتربیت اور رہنمائی کے لیے کیا خوبصورت طور پر استعمال کیاہے ، خوش رہو ہارون صاحب ، رشد وہدایت کا یہ سلسلہ اللہ کرے اور زیادہ! شکیل احمد خان

 

آگہی بکھیرتی خوبصورت شراکت
بہت شکریہ بہت دعائیں

 

عمدہ۔۔۔۔۔۔۔۔۔۔۔۔۔۔۔۔۔ویسے آج پتا چلا کہ ایک بندہ اصلی شہد کے نام پر نقلی تھما گیا۔۔۔

 

میرا سوال ابھی باقی ہے

 

میں متذبذب ہوں کہ آپ کاسوال کس سے ہے ،صاحبِ تحریر ”اصلی شہد کی پہچان کے مفید طریقے“یعنی محترم ہارون الرشید صاحب سے یا اُن کی تحریر پر اپنے تاثرات قلمبندکرنے والے مجھ ناچیز سے یا صلائے عام ہے یارانِ نکتہ داں کے لیے؟ بہرحال آپ کا سوال یہ ہے کہ چھوٹی مکھی اور بڑی مکھی کے شہد میں کیا فرق ہے؟شہدکے حصول کے دوذرائع ہیں ۔ایک ہےجنگلی (آزاد )شہد کی مکھی کے چھتےاور دوسراہے فارمی چھتے جو عام طورپر شہد کی تجارت کرنے والے حضرات کی ایجاد و اِختراع ہیں۔آزاد مکھیوں کے شہد کی دوقسمیں ہیں بڑی مکھی کا شہد اور چھوٹی مکھی کا شہد ۔ بڑی مکھی کا شہد گھنے جنگلوں کی دبیز گہرائیوں میں بڑے بڑے درختوں یا اونچی اونچی جگہوں پر بنے خاصے بڑے بڑے چھتوں سے حاصل کیا جاتا ہے۔بڑی مکھی کو اُن دوردراز مقامات پر پہنچنے ، اِضافی مشقت اُٹھانےاور حکمِ ربی کو بجالانے کے لیے عام شہد کی مکھی کے مقابلے میں جو برآمدوں کی چھتوں یا لان میں لگے درختوں پر بھی چھتہ بنالیتی ہے ، قدرت سے بڑاجسم ، قوی اعصاب اور مضبوط بال وپرملے ہیں۔اور جسے ہم چھوٹی شہد کی مکھی کہتے ہیں یہ عام طور پر کھیت کھلیانوں ،چھوٹی موٹی جھاڑیوں حتیٰ کہ گھروں کی چھتوں اور کیاریوں میں لگے درختوں تک میں اپنا چھتہ بنالیتی ہے اور بآسانی شہد تیارکرتی رہتی ہے،اِسی مناسبت سے اِس کا قدبُت ہوتا ہے(بڑی مکھی کے مقابلے میں چھوٹا)میں یہ سب کچھ جس مضمون سے اخذکرکے لکھ رہا ہوں ، اُس میں بتایاگیا ہے کہ چھوٹی مکھی کا شہد زیادہ مفیدہے اور نایاب نہیں تو کم یاب ضرور ہے۔اِس شہدکی ،بڑی مکھی کے شہدکے مقابلے میں افادیت کی جو وجہ میں سمجھاہوں ،یہ ہوسکتی ہے کہ چھوٹی شہدکی مکھی قرب وجوار کی خوبصورت اور بے ضررکیاریوں ،پھول پھلواریوں سےرس لے کر اپنے چھتے کو شہد سے بھرتی ہے۔(قرب وجوار کی خوبصورت اور بے ضررپھول پھلواریاں)جبکہ بڑی مکھی اپنے مضبوط جثے اور توانا اعصاب کی بدولت ممکن ہے اُن جنگلی پھولوں کے اجزاء کو بھی برداشت کرلیتی ہوجو شہد میں تبدیل ہوکر کم سے کم اور کم سے کم جن منفی اثرات کے حامل ہوتے ہیں وہ اُن کی ناگوارمہک ہوتی ہومگر اِس کے باوجود قدرت کی اِس پروڈکٹ میں بھی انسان کے لیے فوائد وہی ہیں جو چھوٹی مکھی کے شہد میں ہوتے ہیں(گویا ہم شہد کی مہک اور بوباس سے چھوٹی اور بڑی مکھی کے شہد کا فرق معلوم کرسکتے ہیں) البتہ فارم کی مکھیوں کے شہد کا کوئی بھروسہ نہیں یہ تو قدرت کے ایک چلتے ہوئے کارخانے میں زبردستی اپنا سرمایہ لگا کر زبردستی منافع کمانے کی ایسی جارحانہ کوشش ہے جس پر میرے خیال میں تجارت نہیں، بھتہ خوری کا اطلاق ہوتا ہے اور یہی وجہ ہے؛ قدرت نے اِس سے اصلی شہد کی تاثیر اُٹھالی ہے ۔خوبصورت پیکنگ،بلندبانگ دعوےاور بڑی بڑی دکانیں اور فروخت گاہیں بھی اِس شہد میں وہ تاثیر پیدانہیں کرسکتیں جو آزاد ، خودمختار،خوش حال ،خوش باش اور خود کار شہد کی مکھیوں کے شہد میں ہوتی ہے۔واللہ اعلم بالصواب :
شکیل احمد خان۔

 

جنگلی شہد
جنگلی شہد کو آزاد مکھی کا شہد بھی کہا جاتا ہے۔یہ مکھی درختوں اور جھاڑیوں وغیرہ میں اپنے چھتے بناتی ہے۔شکاری لوگ بڑی مہارت سے ان کے چھتوں تک رسائی حاصل کرتے ہیں اور پھر انہیں توڑ توڑ کر اپنے برتنوں میں جمع کر لیتے ہیں۔اس کے بعد اِن چھتوں کو اپنے ہاتھوں سے خوب اچھی طرح نچوڑ کر شہد الگ کر لیتے ہیں۔جنگلی شہد بالکل شفاف نہیں ہوتا بلکہ چھتوں کو نچوڑ نے کی وجہ سے اس میں موم وغیرہ کے اثرات آجاتے ہیں جو کہ فائدے مند بھی ہوتے ہیں۔ اس شہد کی دو قسمیں ہوتی ہیں: ۱۔بڑی مکھی کا شہد، ۲۔چھوٹی مکھی کا شہد


بڑی مکھی کا شہد
بڑی مکھی درختوں پر اپنے چھتے بناتی ہے۔اس کیچھتہکا سائز بھی بہت بڑا ہوتا ہے۔یہ مکھی زیادہ مقدار میں شہد بناتی ہے۔جنگلی شہد کی کوالٹی اور ذائقے میں علاقے کے اعتبار سے فرق بھی آ جاتا ہے۔ اسی طرح ایک موسم کا شہد بھی دوسرے موسم کے شہد سے مختلف ہوتا ہے۔جنگلی شہد اُن علاقوں میں بکثرت پایا جاتا ہے جہاں پانی خوب ہو اور آب وہوا بھی صاف ستھری ہو۔بڑی مکھی کے شہد کی بعض اقسام جم بھی جاتیں ہیں لیکن شہد کے جمنے سےاس کی کوالٹی میں کوئی فرق نہیں آتا۔

​

چھوٹی مکھی کا شہد
آزاد مکھی کی دوسری قسم چھوٹی مکھی ہے۔یہ مکھی عام طور پر جھاڑیوں اور فصلوں وغیرہ میں اپنے چھتے بناتی ہے۔ اس کا چھتہ اوسطا ً آدھ فٹ بڑا ہوتا ہے۔یہ شہد نہایت خوش ذائقہ اور بہت سے امراض کے لیے مفید ہے۔چھوٹی مکھی کا شہد سب سے مہنگا اور نایاب شہد ہے۔چھوٹی مکھی کے شہد کی بہترین کوالٹی اکتوبر،نومبر میں حاصل ہوتی ہے۔اس کی ایک خوبی یہ بھی ہے کہ اس کے جمنے کا امکان بہت کم ہوتا ہے۔اکثر ڈاکٹرز اور حکماء اپنے مریضوں کو چھوٹی مکھی کے شہد کا مشورہ دیتے ہیں۔

​

لنک: http://www.alshafiyah.com/forest-honey.html

 

ندیم وجدان صاحب، اگر آپ کو اصلی شہد درکار ہو تو بلاجھجک ہم سے رابطہ کریں۔ ہم آپ کو فری ڈیلیوری (اگر آپ لاہور میں ہیں تو) کریں گے اور شہد کے ناخالص ہونے پر پیسے واپس دینے کی گارنٹی بھی دیں گے۔۔۔
ہمارا رابطہ نمبر ہے03104500010۔ ہم شہد کے تھوک و پرچون کے حساب سے شہد بیچتے ہیں