خاوند میرا مطیع بن کر رہے

ایک عورت گاؤں کے عالم کو روایتی والا عامل سمجھتی تھی جو گنڈے اور تعویذ کا کام کرتا ہے۔ اس لیئے جاتے ہی اس نے فرمائش کر ڈالی کہ مجھے ایسا عمل کر دیجئے کہ میرا خاوند میرا مطیع بن کر رہے اور مجھے ایسی محبت دے جو دنیا میں کسی عورت نے نا پائی ہو۔ بندہ عامل ہوتا تو جھٹ سے تعویذ لکھتا اور اپنے پیسے کھرے کرتا، وہ جانتا تھا کہ خاتون اسے کچھ اور ہی سمجھ کر اپنی مراد پانے کیلئے آئی بیٹھی ہے۔ یہی سوچ کر عالم صاحب نے کہا، محترمہ، تیری خواہش بہت بڑی ہے لہٰذہ اس کے عمل کی قیمت بھی بڑی ہوگی، کیا تم یہ قیمت ادا کرنے کیلئے تیار ہو؟
عورت نے کہا میں بخوشی ہر قیمت دینے کیلئے تیار ہوں۔ عالم نے کہا ٹھیک ہے تم مجھے شیر کی گردن سے ایک بال خود اپنے ہاتھوں سے توڑ کر لا دو تاکہ میں اپنا عمل شروع کر سکوں۔ شیر کی گردن کا بال اور وہ بھی میں اپنے ہاتھ سے توڑ کر لا دوں؟ جناب آپ اس عمل کی قیمت روپوں میں مانگیئے تو میں ہر قیمت دینے کو تیار ہوں مگر یہ توآپ عمل نا کر کے دینے والی بات کر رہے ہیں! آپ جانتے ہی ہیں کہ شیر ایک خونخوار اور وحشی جانور ہے۔ اس سے پہلے کی میں اس کی گردن تک پہنچ کر اسکا بال حاصل کر پاؤں وہ مجھے پہلے ہی پھاڑ کھائے گا۔

عالم نے کہا، بی بی، میں بالکل ٹھیک کہہ رہا ہوں۔ اس عمل کے لئے شیر کی گردن کا بال ہی لانا ہوگا اور وہ بھی تم اپنے ہاتھ سے توڑ کر لاؤ گی۔ اس عمل کو بس اسی طرح ہی کیا جا سکتا ہے۔

عورت ویسے تو مایوس ہو کر ہی وہاں سے چلی مگر پھر بھی اس نے اپنی چند ایک راز دان سہیلیوں اور مخلص احباب سے مشورہ کیا تواکثر کی زبان سے یہی سننے کو ملا کہ کام اتنا ناممکن تو نہیں ہے کیونکہ شیر تو بس اسی وقت ہی خونخوار ہوتا ہے جب بھوکا ہو۔ شیر کو کھلا پلا کر رکھو تو اس کے شر سے بچا جا سکتا ہے۔ اس عورت نے یہ نصیحتیں اپنے پلے باندھیں اور جنگل میں جا کر آخری حد تک جانے کی ٹھان لی۔

عورت شیر کیلئے گوشت پھینک کر دور چلی جاتی اور شیر آ کر یہ گوشت کھا لیتا۔ وقت کے ساتھ ساتھ شیر اور اس عورت میں الفت بڑھتی چلی گئی اور فاصلے آہستہ آہستہ کم ہونا شروع ہو گئے۔ اور آخر وہ دن آن ہی پہنچا جب شیر کو اس عورت کی محبت میں کوئی شک و شبہ نا رہا تھا۔ عورت نے گوشت ڈال کر اپنا ہاتھ شیر کے سر پر پھیرا تو شیر نے طمانیت کے ساتھ اپنی آنکھیں موند لیں۔ یہی وہ لمحہ تھا عورت نے آہستگی سے شیر کی گردن سے ایک بال توڑا اور وہاں سے بھاگتے ہوئے سیدھا عالم کے پاس پہنچی۔ بال اس کے ہاتھ پر رکھتے ہی پورے جوش و خروش کے ساتھ بولی، یہ لیجیئے شیر کی گردن کا بال۔ میں نے خود اپنے ہاتھ سے توڑا ہے۔ اب عمل کرنے میں دیر نا لگائیے۔ تاکہ میں اپنے خاوند کا دل ہمیشہ کیلئے جیت کر اس سے ایسی محبت پا سکوں جو دنیا کی کسی عورت کو نا ملی ہو۔

عالم نے عورت سے پوچھا، یہ بال حاصل کرنے کیلئے تم نے کیا کیا؟
عورت نے جوش و خروش کے ساتھ پوری داستان سنانا شروع کی کہ وہ کس طرح شیر کے قریب پہنچی، اس نے جان لیا تھا کہ بال حاصل کرنے کیلئے شیر کی رضا حاصل کرنا پڑے گی۔ اور یہ رضا حاصل کرنے کیلئے شیر کا دل جیتنا پڑے گا جب کہ شیر کے دل کا راستہ اس کے معدے سے ہو کر جاتا ہے۔ پس شیر کا دل جیتنے کیلئے اس نے شیر کے معدے کو باقاعدگی سے بھرنا شروع کیا۔ اس کام کے لئے ایک بہت صبر آزما انتظار کی ضرورت تھی اور آخر وہ دن آ پہنچا جب وہ شیر کا دل جیت چکی تھی اور اپنا مقصد پانا اس کیلئے بہت آسان ہو چکا تھا۔

عالم نے عورت سے کہا، اے اللہ کی بندی؛ میں نہیں سمجھتا کہ تیرا خاوند اس شیر سے زیادہ وحشی ، اجڈ اور خطرناک ہے۔ تو اپنے خاوند کے ساتھ ایسا ہی سلوک کیوں نہیں کرتی جیسا سلوک تو نے اس شیر کے ساتھ کیا۔ جان لے کہ مرد کے دل کا راستہ بھی اس کے معدے سے ہی ہو کر گزرتا ہے۔ خاوند کے پیٹ کو بھر کر رکھ، مگر صبر کے ساتھ، ویسا صبر جیسا شیر جیسے جانور کو دوست بننے کے مرحلے تک میں کیا تھا

 

عورت گھر کی مالکن ہوتی ہے جبکہ معاشرے کی روایات کو برقرار رکھتے ہوئے یہ کہا جاتا ہے کہ گھر کا سردار مرد ہے۔

ہمیشہ وہی گھرانے خوش و خرم زندگی بسر کرتے ہیں جہاں عورت اپنا فرض ذمہ داری سے سرانجام دے۔ اور وہ خواتین اپنے گھر کی خوشی و کامرانی کی ضمانت ہوتی ہیں جو اپنے گھر والے کی غلطیوں کو بھی اپنے سر لے۔

اس کے برعکس جہاں بلا وجہ مردوں پر طعنے کسے جاتے ہیں وہاں نہ تو برکت ہوگی اور نہ ہی مال و دولت کی فراوانی ہوسکتی ہے۔

میں چند دن سے اس بارے میں سوچ رہا تھا کہ کاش اس طرح ہوکہ:

1۔ ہر وقت بیوی مرد کی سپورٹ کے لئے اس کے پیچھے ہو۔
2۔ جہاں مرد اکیلا پڑجائے وہاں اس کی بیوی اس کے برابر ہو۔
3۔ اور جہاں مرد خطرے میں گھرا ہوا ہوتو عورت مرد کے سامنے ہو۔

اگر ایسا ہوجائے تو ایسا گھرانہ ہر مشکل وقت میں کامیابی سے ہمکنار ہوسکتا ہے اور خوشیوں کا گلستان کہلائے۔۔

 

بہت خوب جناب

 

زبردست شیئرنگ ۔۔۔۔۔۔ شکریہ عدنان جی اور غوری جی

 

بہت خوب زبردست

 

سعدیہ صاحبہ
میری پوسٹ ایک بار پھر ملاحظہ کیجئے اور اپنی رائے سے مستفیذ فرمائیں۔

 

آپ نے اختلافی نوٹ تو لکھا مگر اس کی وضاحت نہیں تحریر کی کہ کیوں آپ کو لگتا ہے مرد کے دل کا راستہ اس کے معدے سے ہو کر نہیں گزرتا ہے

 

عالم نے عورت کو جو سمجھنے کا طریقہ اختیار کیا بہت ہی خطرناک تھا ۔۔ اس ہی طرح جس طرح ایک شوہر ہوتا ہے
اور ہر مرد کو یہ بات سمجھ لینی چائیے کے جو عورت شیر کو قابو میں کر سکھتی ہے ۔ تو وہ کیا نہیں کرسکھتی ۔۔ عالم نے صرف بال
لانے کو بولا تھا ۔ مگر راہ اس نے خود نکالی ۔۔۔

 

ھاھاھا ۔۔ یہ مرد حضرت ۔۔ بہت ہی مظلوم بنتے ہیں ۔۔ یہ ہاتھی کے دانت ہوتے ہیں کھانے اور دیکھنے کے اور ۔۔۔

 

باب رے باب آپ تو ہاتھی کو ہی پکڑ لائے ۔۔ ہم کو ہونا ہی پڑے گا ۔۔

 

ہاہاہا ۔۔ شوہر ہوتا تو ہے گھر پر

 

اور عورتیں بھی اتنی خوفناک نہیں ہوتیں کے شوہر بھیگے بلے بن جائیں ،،

 

ہاہاہا یہ بیوی نہیں ہے ،، یہ لڑکا گلی میں پٹ رہا ہے ،، اب آپ خود سمجھدار ہیں ۔۔

 

ہاہاہا ۔۔ اب اگر ہم نے مظلوم عورتوں کی پوسٹ شورع کر دی نا ۔۔ تو پھر کیا ہوگا ۔۔ ہاہاہا

 

اور یہ لڑی کیسے بنتی ہے ؟