شعر مکمل کریں

رو میں ہے رخشِ عمر کہاں دیکھیے تھمے
نے ہاتھ باگ پر ہے نہ پا ہے رکاب میں
۔۔۔۔۔۔۔۔۔۔۔
کتنی دلکش ہو تم کتنا دلجو ہوں میں

 

کتنی دلکش ہو تم،کتنا دلجو ہوں میں
کیا ستم ہے کہ ھم لوگ مر جا ئیں گے
جون ایلیا
--------------
سارے جہاں کا درد ہمارے جگر میں ہے

 

خنجر چلے کسی پہ تڑپتے ہیں ہم امیر
سارے جہاں کا درد ہمارے جگر میں ہے
امیر مینائی
۔۔۔۔۔۔۔۔۔۔۔۔۔۔
قاصد کے آتے آتے خط اک اور لکھ رکھوں

 

قاصد کے آتے آتے خط اک اور لکھ رکھوں
میں جانتا ہوں جو وہ لکھیں گے جواب میں
غالب
-------------
تیرے سرو قامت سے اے قد آدم

 

ترے سروِ قامت سے اک قدِ آدم
قیامت کے فتنے کو کم دیکھتے ہیں
غالب
۔۔۔۔۔۔۔۔۔۔۔۔۔۔۔۔۔۔۔
کوئی ایسی بات ہوئی اگر کہ تمہارے جی کو بری لگی

 

کوئی ایسی بات ہوئی اگر کہ تمہارے جی کو بری لگی
تو بیاں سے پہلے ہی بھولنا ،تمہیں یاد ہو کہ نہ یاد ہو
مومن
-------------
سنبھل اے دل کسی کا راز بے پردہ نہ ہو جائے

 

زندگی خوگرِ آزار ہوئی ۔۔ ۔۔ جاتی ہے
کام کی چیز ہے بیکار ہوئی جاتی ہے
------
وفا کیسی، کہاں کا عشق ، جب سر پھوڑنا ٹھہرا

 

وفا کیسی، کہاں کا عشق ، جب سر پھوڑنا ٹھہرا
تو پھر اے سنگ دل تیرا ہی سنگ آستاں کیوں ہو
---------------
ایسی تنہائی کا جواب نہیں

 

تم نہیں غم نہیں شراب نہیں
ایسی تنہائی کا جواب نہیں
----------
عدم سے دیر میں آنا کسے گوارا تھا

 

عدم سے دیر میں آنا کسے گوارا تھا
کشاں کشاں مجھے لے آئی جستجو تیری
---------
کہاں تک گئے ہیں فسانے تیرے

 

تیشے کا کام ریشۂ گُل سے لیا شکیبؔ
ہم سے پہاڑ کاٹنے والے ہوئے نہیں
----------
آنکھوں میں بھر لو گے تو کانٹوں سے چبھیں گے

 

آنکھوں میں جو بھر لو گے تو کانٹوں سے چبھیں گے
یہ خواب تو پلکوں پہ سجانے کے لئے ہیں
---------
سچ تو یہی ہے اُس نے پکارا ہے اور بس

 

یاد آتا ہے روز و شب کوئی
ہم سے روٹھا ہے بے سبب کوئی
-------
ہمارا نام بھی لیں گے وہ لیکن

 

عطاءالرحمن منگلوری بھائی اوپر کے مصرعہ کو مکمل کرنا تھا۔ آپ کا مصرعہ میں مکمل کر رہا ہوں۔

گو ذرا سی بات پر برسوں کے یارانے گئے
لیکن اتنا تو ہوا کچھ لوگ پہچانے گئے
خاطر غزنوی
-------
ہمارا نام بھی لیں گے وہ لیکن

 

جب توقع ہی اٹھ گئی غالب
کیوں کسی کا گلہ کرے کوئی
--------
ہوئی وہی کتاب گم، بڑی حسین رات تھی

 

موت کو سمجھے ہیں غافل اختتام زندگی
ہے یہ شام زندگی صبح دوام زندگی
---------
کہ جہاں میں نان شعیر پر ہے مدار قوت حیدری

 

[QUOTE="بسمہ ناز, post: 948043, member: 2505"
اڑنے لگے آکاش پہ جلتے ہوئے تارے[/QUOTE]

اڑنے لگے آکاش پہ جلتے ہوئے تارے
جب شام ڈھلے ہار کے ڈوبا کوئی سورج
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ابھی تاروں سے کھیلو چاند کی کرنوں سے اٹھلاؤ

 

ابھی تاروں سے کھیلو، چاند کی کرنوں سے اٹھلاؤ
ملے گی اُس کے چہرے کی سحر آہستہ آہستہ
مصطفیٰ زیدی
----------
ہر قوم پکارے گی ہمارے ہیں حسین

 

انسان کو بیدار تو ہو لینے دو
ہر قوم پکارے گی ہمارے ہیں حسین ّ
جوش؟
۔۔۔۔۔۔۔۔۔۔۔۔۔۔۔
جب خیر و شر میں دقتِ تفریق ہو گئی

 

جب خیر و شر میں دقتِ تفریق ہو گئی
بے ساختہ حسین کی تخلیق ہو گئی​

عدم
----------
کہاں تک گئے ہیں فسانے تیرے