نئی بیت بازی - حصہ دوم

زمیں اک منہدم بستی کا ملبہ
اور اس ملبے میں بستا گھر محبت

 

سفر ہے شرط مسافر نواز بہتیرے
ہزار ہا شجر سایہ دار راہ میں ہے

 

کیا کیا خضر نے سکندر سے
اب کسے رہنما کرے کوئی

 

روشن جمال یار سے ہے انجمن تمام
دہکا ہوا ہے آتش گل سے چمن تمام

 

دنیا میں قتیلؔ اُس کا مُنافق نہیں کوئی
جو ظلم تو سہتا ہے بغاوت نہیں کرتا

 

دنیا نے کس کا راہ فنا میں دیا ہے ساتھ
تم بھی چلے چلو یونہی جب تک چلی چلے

 

غرض کی زندگی مطلب کی دنیا
کہاں رکھوں دلِ بے مُدعا کو

 

ہم بھی منہ میں زبان رکھتے ہیں
کاش پوچھو کہ مدعا کیا ہے

 

اے پردہ نشیں تجھ کو یہ پردہ مبارک ہو
ہم اپنے تصور میں تصویر بنا لیں گے

 

اگ رہا ہے در و دیوار پہ سبزہ غالب
ہم بیاباں میں ہیں اور گھر میں بہار آئی ہے

 

وہ کبھی اپنی جفا پر نہ ہوئے شرمندہ
ہم سمجھتے رہے پتھر بھی پگھل جاتے ہیں

 

زخم پر چھڑکیں کہاں طفلانِ بے پروا نمک
کیا مزا ہوتا ، اگر پتھر میں بھی ہوتا نمک
غالب

 

رنگ باتیں کریں اور باتوں سے خوشبو آئے
درد پھولوں کی طرح مہکے اگر تو آئے

 

سنا تھا کہ وہ آئیں گے انجمن میں ، سنا تھا کہ ان سے ملاقات ہو گی
ہمیں کیا پتا تھا ، ہمیں کیا خبر تھی، نہ یہ بات ہو گی ، نہ وہ بات ہو گی

 

جو سنائی انجمن میں شب غم کی آپ بیتی
کئی رو کے مسکرائے، کئی مسکرا کے روئے

 

دل ہی تو ہے نہ سنگ و خشت، درد سے بھر نہ آئے کیوں
روئیں گے ہم ہزار بار ، کوئی ہمیں ستائے کیوں

 

جہان تازہ کی افکار تازہ سے ہے نمُود
کہ سنگ و خشت سے ہوتے نہیں جہاں پیدا
علامہ اقبال

 

عرش والے میری توقیر سلامت رکھنا،
فرش کے سارے خداؤں سے الجھ بیٹھا ہوں