نمی دانم چہ منزل پود (کلام حضرت امیر خسرو)

شعرِ خسرو
نمی دانم چہ منزل بود، شب جائے کہ من بودم
بہ ہر سُو رقصِ بسمل بود، شب جائے کہ من بودم

اردو ترجمہ

مجھے نہیں معلوم کہ وہ کون سی جگہ تھی جہاں کل رات میں تھا، ہر طرف وہاں رقصِ بسمل ہو رہا تھا کہ جہاں میں کل رات کو تھا۔

منظوم ترجمہ مسعود قریشی

نہیں معلوم تھی کیسی وہ منزل، شب جہاں میں تھا
ہر اک جانب بپا تھا رقصِ بسمل، شب جہاں میں تھا

شعرِ خسرو

پری پیکر نگارے، سرو قدے، لالہ رخسارے
سراپا آفتِ دل بود، شب جائے کہ من بودم

اردو ترجمہ

پری کے جسم جیسا ایک محبوب تھا، اس کا قد سرو کی طرح تھا اور رخسار لالے کی طرح، وہ سراپا آفتِ دل تھا کل رات کہ جہاں میں تھا۔

منظوم ترجمہ مسعود قریشی

پری پیکر صنم تھا سرو قد، رخسار لالہ گُوں
سراپا وہ صنم تھا آفتِ دل، شب جہاں میں تھا

شعرِ خسرو

رقیباں گوش بر آواز، او در ناز، من ترساں
سخن گفتن چہ مشکل بود، شب جائے کہ من بودم

اردو ترجمہ

رقیب آواز پر کان دھرے ہوئے تھے، وہ ناز میں تھا اور میں خوف زدہ تھا۔ وہاں بات کرنا کس قدر مشکل تھا کل رات کہ جہاں میں تھا۔

منظوم ترجمہ ۔ مسعود قریشی

عدو تھے گوش بر آواز، وہ نازاں تھا، میں ترساں
سخن کرنا وہاں تھا سخت مشکل، شب جہاں میں تھا

شعرِ خسرو

خدا خود میرِ مجلس بود اندر لا مکاں خسرو
محمد شمعِ محفل بود، شب جائے کہ من بودم

اردو ترجمہ
اے خسرو، لا مکاں میں خدا خود میرِ مجلس تھا اور حضرت محمد اس محفل کی شمع تھے، کل رات کہ جہاں میں تھا۔

منظوم ترجمہ ۔ مسعود قریشی

خدا تھا میرِ مجلس لا مکاں کی بزم میں خسرو
محمد تھے وہاں پر شمعِ محفل، شب جہاں میں تھا

 

خدا خود میرِ مجلس بود اندر لا مکاں خسرو
محمد(صلی اللہ علیہ وسلم ) شمعِ محفل بود، شب جائے کہ من بودم

جزاک اللہ جی بہت عمدہ اور اعلیٰ کلام ہے

 

جزاک اللہ
کیا خوبصورت کلام ہے
جیتے رہیں ھارون بھائی

 

محترم وعلیکم السلام آپ کی آمد کا تہہ دل سے شکریہ آپ نے فورم کو رونق بخشی

کای دقت پیش آئی آپ کو