فہرست سخن ور میں میرا نام تو آیا

فہرست سخن ور میں میرا نام تو آیا
آخر یہ لہو دل کا کسی کام تو آیا


چل اے دل مضطر تجھے آرام تو آیا
وہ خود نہ سہی نہ سہی پیغام تو آیا



دیکھے گا وہ پرواز چھن جانے کا ماتم
صیاد بھی خوش ہے میں تہہ دام تو آیا



بے داغ تیرے شہر سے جانے کا الم تھا
صد شکر میرے سر کوئی الزام تو آیا



یہ کہہ کے در و بام ہوئے محو چراغاں
قیصر بھی کبھی گھر میں سر شام تو آیا
​

 

جواب: فہرست سخن ور میں میرا نام تو آیا

بے داغ تیرے شہر سے جانے کا الم تھا
صد شکر میرے سر کوئی الزام تو آیا
خوبصورت غزل۔۔۔بہت اچھے

 

جواب: فہرست سخن ور میں میرا نام تو آیا

بہت عمدہ حضور. کلام میں شاعر کی قادر الکلامی کا احساس ہوتا ہے. بہت خوب.
کہیں کہیں بندش میں تھوڑی ڈھیل نظر آتی ہے. شاید کے ٹائیپو ہو.

 

جواب: فہرست سخن ور میں میرا نام تو آیا

بہت شکریہ مزمل شیخ بسمل جی
یہ کلام میرے استاد محترم کا ہے۔ وہی ان دقیق فنی محاسن کو جانتے ہوں گے۔ بہرحال آپ کی پسندیدگی کا ایک بار پھر شکریہ