شعرلکھیں لفظ ہم بتاتے ھیں

جواب: شعرلکھیں لفظ ہم بتاتے ھیں

شورِ پندِ ناصح نے زخم پر نمک چھڑکا
آپ سے کوئی پوچھے تم نے کیا مزا پایا
-------------
زخم

 

جواب: شعرلکھیں لفظ ہم بتاتے ھیں

آواز کے ہمراہ سراپا بھی تو دیکھوں
اے جان سخن ! میں تیرا چہرا بھی تو دیکھوں
پروین شاکر
-------------
سخن

 

جواب: شعرلکھیں لفظ ہم بتاتے ھیں

سبق پھر پڑھ صداقت کا، عدالت کا شجاعت کا
لیا جائے گا تجھ سے کام دنیا کی امامت کا
--------------
سبق

 

جواب: شعرلکھیں لفظ ہم بتاتے ھیں

چشم ساقی نے یہ کیا کھیل رچا رکھا ہے
کوئی زاہد ، کوئی میخوار بنا رکھا ہے
۔۔۔۔۔۔۔۔۔۔
اثر

 

جواب: شعرلکھیں لفظ ہم بتاتے ھیں

صرف تقدیر پہ انسان بھروسہ نہ کرے
حُسنِ نیت بھی ہو، کوشش بھی ہو، تدبیر بھی ہو
-------------
نیت

 

جواب: شعرلکھیں لفظ ہم بتاتے ھیں

نیتِ شوق بھر نہ جائے کہیں
تو بھی دل سے اتر نہ جائے کہیں

اتر

 

جواب: شعرلکھیں لفظ ہم بتاتے ھیں

اتر گیا تن نازک سے پتیوں کا لباس
کسی کے ہاتھ نہ آئی مگر گلاب کی باس
-----------
نازک

 

جواب: شعرلکھیں لفظ ہم بتاتے ھیں

مجھے اپنے دل کی تو پرواہ نہیں ہے ، مگر ڈر رہا ہوں یہ کمسن کی ضد ہے
کہیں پائے نازک میں موچ آ نہ جائے ، دلِ سخت جاں‌کو مسلتے مسلتے
-----------
ضد

 

جواب: شعرلکھیں لفظ ہم بتاتے ھیں

جگنو کو دن کے وقت پرکھنے کی ضد کریں
بچے ہمارے عہد کے چالاک ہوگئے
-----
پروانہ

 

جواب: شعرلکھیں لفظ ہم بتاتے ھیں

سراپا عشق ہوں میں بکھر جاؤں تو بہتر ہے
جدھر جائیں یہ بادل ادھر جاؤں تو بہتر ہے
-----------
زیست

 

جواب: شعرلکھیں لفظ ہم بتاتے ھیں

یہ تماشا دیکھئے یا وہ تماشا دیکھئے
دی ہیں دو آنکھیں خدا نے، ان سے کیا کیا دیکھئے
چھیڑکر مجھ کو ذرا میرا تماشا دیکھئے
دیکھتے ہی دیکھتے ہوتا ہے کیا کیا دیکھئے
ہیں ادائیں سی ادائیں اس سراپا ناز کی
اک نیا انداز پیدا ہوگا جتنا دیکھئے
اس کا ثانی ہے کہاں پیدا ، ان آنکھوں سے اگر
ساری دنیا دیکھئے سارا زمانا دیکھئے
یہ چھری میرے ہی دل پر چل رہی ہے ورنہ اب
دیکھنے والا تو کوئی اس ادا کا دیکھئے
بعد میرے یوں وفا کوئی کرے گا ، کیا مجال
سوچئے دل میں سمجھئے آپ اتنا دیکھئے
مجھ کو بسمل کر کے ظالم نے کہا منہ پھیر کر
یہ تماشا ہے پرانا ، پھر اسے کیا دیکھئے
داغ دیکھے چاند کو کیوں دیکھ کر چہرا ترا
جو ہو صورت دیکھی بھالی ، پھر اسے کیا دیکھئ
------------
داغ

 

جواب: شعرلکھیں لفظ ہم بتاتے ھیں

اگرچہ گردِ سفر ہے باقی، بدن تھکن کے حصار میں ہے
مگر یہ وحشت نئے سفر کی طوالتوں کے خمار میں ہے
-------------
خمار

 

جواب: شعرلکھیں لفظ ہم بتاتے ھیں

شب خمارِ شوقِ ساقی رستخیز اندازہ تھا
تا محیطِ بادہ صورت خانۂ خمیازہ تھا
یک قدم وحشت سے درسِ دفتر امکاں کھلا
جادہ، اجزائے دو عالم دشت کا شیرازہ تھا
مانعِ وحشت خرامی ہائے لیلےٰ کون ہے؟
خانۂ مجنونِ صحرا گرد بے دروازہ تھا
پوچھ مت رسوائیِ اندازِ استغنائے حسن
دست مرہونِ حنا، رخسار رہنِ غازہ تھا
نالۂ دل نے دیئے اوراقِ لختِ دل بہ باد
یادگارِ نالہ اک دیوانِ بے شیرازہ تھا
------------
شیرازہ

 

جواب: شعرلکھیں لفظ ہم بتاتے ھیں

غم کا علاج دکھ کا مداوا کر ے کوئی
جب خواب ٹوٹ جائیں تو پھر کیا کرے کوئی
------------
کتاب

 

جواب: شعرلکھیں لفظ ہم بتاتے ھیں

کتاب کھول رہا تھا وہ اپنے ماضی کی
ورق ورق پہ بکھرتا گیا میرا چہرہ
سحر کے نور سے دھلتی ہوئی تیری آنکھیں
سفر کی گرد میں لپٹا ہوا میرا چہرہ
ہوا کا آخری بوسہ تھا یا قیامت تھی ؟
بدن کی شاخ سے پھر گر پڑا میرا چہرہ
جسے بجھا کے ھوا سوگوار پھرتی ہے
وہ شمع شام سفر تھی کہ میرا چہرہ
یہ لوگ مجھے پہچانتے نہیں محسن
میں سوچتا ہوں کہاں رہ گیا میرا چہرہ ؟

 

جواب: شعرلکھیں لفظ ہم بتاتے ھیں

آپ نے لفظ بھی دینا تھا۔ چلیں آپ کی دستخط سے لفظ لے کر لڑی کو آگے بڑھاتا ہوں۔

اللہ رے حسن یار کی خوبی کہ خود بخود
رنگینیوں میں‌ڈوب گیا پیراہن تمام
حسرت موہانی