اشعار بہ لحاظ حروف تہجی ( نئی لڑی )

صورت چھپائیے کسی صورت پرست سے
ہم دل میں نقش آپ کی تصویر کر چکے

 

طرز کلام ان کا ہوا طرز خاص و عام
بدلیں گے اب وہ بات کا انداز کس طرح

 

عادت کے بعد درد بھی دینے لگا مزا
ہنس ہنس کے آہ آہ کئے جا رہا ہوں میں

 

فرض ہے دریا دلوں پر خاکساروں کی مدد
فرش صحرا کے لئے لازم ہوا سیلاب کا

 

کچھ اس طرح شریک تیری انجمن میں ہوں
محسوس ہو رہی ہے خود اپنی کمی مجھے

 

میرے رستے میں جو رونق تھی میرے فن کی تھی
میرے گھر میں جو اندھیرا تھا میرا اپنا تھا

 

وصل کے دن کی آرزو ہی رہی
شب نہ آخر ہوئی جدائی کی!

 

یہ شفق شراب منظر مری آنکھ کا تخیل
مری بیکسی کی کاوش سرِ شام کی اُداسی

 

بنا کر فقیروں کا ہم بھیس غالبؔ
تماشائے اہلِ کرم دیکھتے ہیں

 

تھا جو ناخوب بتدریج وہی خوب ہوا
کہ غلامی میں بدل جاتا ہے قوموں کا ضمیر

 

ٹوٹا تو ہوں مگر ابھی بکھرا نہیں فراز
میرے بدن پہ جیسے شکستوں کا جال ہو

 

ثبوت ہے یہ محبت کی سادہ لوحی کا
جب اس نے وعدہ کیا میں نے اعتبار کیا

 

چھپائے سے ہوتا نہ، حسن اس کا ماند
کہے تو، لگائے تھے مکھڑے پہ چاند
میر حسن

 

خواب کی طرح بکھر جانے کو جی چاہتا ہے
ایسی تنہائی کہ مر جانے کو جی چاہتا ہے
افتخار عارف

​

 

ڈرتا ہوں دیکھ کر دل بے آرزو کو میں
سنسان گھر یہ کیوں نہ ہو مہمان تو گیا
داغؔ دہلوی

 

رہنے آئے ہیں ترے شہر میں مجبوری سے
وقت کی ٹڈیوں نے حملہ جو کیا گاؤں پر
زنیرہ گلؔ

 

زخم کی بات نہ کر زخم تو بھر جاتا ہے
تیر لہجے کا کلیجے میں اتر جاتا ہے

شہزاد قیس