نئی بیت بازی - حصہ دوم

آگئی یاد، شام ڈھلتے ہی
بُجھ گیا دِل چراغ جلتے ہی​

 

شامِ فراق اب نہ پوچھ، آئی اور آ کے ٹل گئی
دل تھا کہ پھر بہل گیا، جاں تھی کہ پھر سنبھل گئی
فیض

 

جس کو چاہا خمار میں چاہا
جس کو دیکھا غبار میں دیکھا

منیر نیازی

 

اب کے تجدیدِ وفا کا نہیں امکاں جاناں!
یاد کیا تجھ کو دلائیں تیرا پیماں جاناں!

 

یاد کسی کی آہ، کیا کہہ گئی آ کے کان میں
زورِ جنوں سوا ہوا جوشِ بہار دیکھ کر

 

رات یوں دل میں تیری کھوئی ہوئی یاد آئی
جیسے ویرانے میں چپکے سے بہار آ جائے
جیسے صحراوں میں ہولے سے چلے باد نسیم
جیسے بیمار کو بے وجہ قرار آ جائے

 

ان کے دیکھے سے جو آ جاتی ہے منہ پر رونق
وہ سمجھتے ہیں کہ بیمار کا حال اچھا ہے

 

یونہی گر روتا رہا غالب، تو اے اہل جہاں
دیکھنا ان بستیوں کو تم کہ ویراں ہو گئیں
غالب

 

کچھ حسن و عشق میں فرق نہیں ، ہے بھی تو فقط رسوائی کا
تم ہو کہ گوارا کر نہ سکے ، ہم ہیں کہ گوارا کرتے ہیں
قمر جلالوی