دعائیہ و نیک خواہشات پر مبنی شاعری

السلام علیکم ۔ یہاں اپنے پیاروں ، عزیزوں ، دوستوں ، وطن یا اپنی ذات کسی بھی قسم کی دعا یا نیک تمناؤں پر مبنی ، غزلیں ، نظمیں یا اشعار ارسال کریں ۔ شکریہ

دعائے آخرِ شب

تیرگی میں یا خدا! رنگ سحر بھی دے مجھے
قریہ شب سے کبھی اذن سفر بھی دے مجھے

آج بھی اترے ہیں ہونٹوں پر دعاؤں کے ہجوم
دل کی تختی پر حروف معتبر بھی دے مجھے

دے مجھے توفیق رکھوں حوصلہ ہر حال میں
آندھیوں کے سامنے دیوار و در بھی دے مجھے

سائباں تیرے کرم کا روز و شب پر ہے محیط
اس بھری دنیا میں اک چھوٹا سا گھر بھی دے مجھے

پھول سے بچوں کو دے شاداب موسم کی نوید
خشک سالی میں بہت برگ و ثمر بھی دے مجھے

زندگی رب مسلسل ہے اگر میرے خدا
آنسوؤں کو ضبط کرنے کا ہنر بھی دے مجھے

روشنی شہر دانائی سے بھر کاسہ مرا
رزم گہ میں ہوں تمیز خیرو شر بھی دے مجھے

رونے والی آنکھ میرے جسم کو کرکے عطا
آخر شب تابش قلب ونظر بھی دے مجھے

آرزو، زندہ قفس میں بھی رہی پرواز کی
اب کھلی آب و ہوا میں بال و پر بھی دے مجھے

لکھ مری قسمت میں بھی آسودہ لمحوں کا گداز
خطہ جبر مسلسل سے مفر بھی دے مجھے

میرے آنگن پر تنے ہیں دھوپ کے خیمے ہزار
سایہ نقش کف خیرالبشر بھی دے مجھے

ہموطن میرے عمل کی روشنی کے ہوں سفیر
عزم بے پایاں کے وہ شمس وقمر بھی دے مجھے

نعت کی ابجد سے بھی واقف نہیں کلک ریاض
مدحت سرکار (ص) کے لعل وگہر بھی دے مجھے

(ریاض حسین چودھری)​

 

جواب: دعائیہ و نیک خواہشات پر مبنی شاعری

جو خوشی تمھارے قریب ہو ، وہ صدا تمھارے نصیب ہو
تجھے وہ خلوص ملے کہ جو، تیری زندگی پہ محیط ہو

جو معیار تجھ کو پسند ہو ، جو تمھارے دل کی امنگ ہو
تیری زندگی جو طلب کرے، تیرے ہمسفر کا وہ رنگ ہو

جو خیال دل میں اسیر ہو ، ہر دعا میں ایسی تاثیر ہو
تیرے ہاتھ اٹھتے ہی یک بیک، تیرے آگے اسکی تعبیر ہو

تجھے وہ جہاں ملے جدھر ، کسی غم کا کوئی گذر نہ ہو
جہاں روشنی ہو خلوص کی ، اور نفرتوں کی خبر نہ ہو ​

 

جواب: دعائیہ و نیک خواہشات پر مبنی شاعری

جوانوں کو مری آہ سحر دے
پھر ان شاہیں بچوں کو بال و پر دے
خدایا! آرزو میری یہی ہے
مرا نور بصیرت عام کر دے


علامہ اقبال ​

 

جواب: دعائیہ و نیک خواہشات پر مبنی شاعری

خدا کرے

تجھ کو تیرا نصیب بھائے خدا کرے
دنیا کی ہر خوشی تو پائے خدا کرے
دنیا کی سب راحتیں ھوں ترے قدموں میں
تو ہر دم ،ہر پل ،مسکرائے خدا کرے
پھولوں کے نشمن میں ھو آشیانہ ترا
ہر کوئی ترے ناز اٹھائے خدا کرے
کریں سب آرزو رفاقت کی تری
ترے ہی ہر کوئی گن گائے خدا کرے
بنے تو فرشتہ ہر انساں کے لیے
مسیحا ہرکسی تو بن جائے خدا کرے
ہو مثل آفتاب زندگی تری گلاب
عمر میری بھی تجھے لگ جائے خدا کرے
ہر رنج و غم سے خدا رکھے تجھے سلامت
تو ہر خوشی ہر مراد پائے خدا کرے​

 

جواب: دعائیہ و نیک خواہشات پر مبنی شاعری

خدا کرے کہ جب بھی دعا مانگوں
ایک لمحہ کے لیے بھی
تیرا نام میرے ہونٹوں سے نہ پھسلنے پائے
اور جب بھی ہاتھ اٹھاؤں
تیرا چہرہ نگاہوں میں ٹھہر جائے
خدا کرے کہ
ہر دعا کے بعد
تیری چاہت ، تیرا پیار پاؤں
خدا کرے کہ میں بھی تجھے
تیری دعاؤں میں یاد آؤ ں

 

جواب: دعائیہ و نیک خواہشات پر مبنی شاعری

دُعا کی صورت میں اُسکی خاطر
جو میرے ہونٹوں سے لفظ نکلے
جو میری آنکھوں سے اشک نکلے
اُنہی کے بدلے میں اے خدایا !!
تو جب بھی اُس کا نصیب لکھنا
عروج لکھنا ، کمال لکھنا
کبھی نہ لفظِِ زوال لکھنا ​

 

جواب: دعائیہ و نیک خواہشات پر مبنی شاعری

آمین ثم آمین ۔۔۔۔۔۔۔۔
بہت خوب ملک بلال بھائی

 

جواب: دعائیہ و نیک خواہشات پر مبنی شاعری

ساری دعاؤں پر آمین ۔ نعیم چاچو کے ذوق پر :a180:

 

جواب: دعائیہ و نیک خواہشات پر مبنی شاعری

آمین ثم آمین

نعیم بھائی ہمیشہ کی طرح ایک اور اچھا اضافہ ہے اس شیئرنگ کا شکریہ :222:

بلال بھائی آپ نے بھی اچھی شیئرنگ کی ہے شکریہ

 

جواب: دعائیہ و نیک خواہشات پر مبنی شاعری

شکریہ پیارے بھائی ۔ دعاؤں میں یاد رکھا کریں

 

جواب: دعائیہ و نیک خواہشات پر مبنی شاعری

ضرور انشاءاللہ

 

جواب: دعائیہ و نیک خواہشات پر مبنی شاعری

زندگی کے افق پر

اس طرح سے چمکو تم
کہ تمھاری روشنی تا ابد
دنیا کے لیے مشعلِ راہ بن جائے
تمہارا ہر قدم زمانے کے لیے
ایک اچھی مثال بن جائے
اور
میری ہنسی تمھارے لیے
مسکراہٹِ لازوال بن جائے

اس طرح سے چمکو تم
اس طرح سے چمکو تم

 

جواب: دعائیہ و نیک خواہشات پر مبنی شاعری

زندگی بھر یہ آسماں تجھ کو
کسی آفت میں‌مُبتلا نہ کرے

یہ بہاریں‌ جہاں جہاں جائیں
کوئی تجھ کو ان سے جدا نہ کرے

تیری زندگی کی روشنی کو خُدا
کسی ظلمت سے آشنا نہ کرے
​

 

آمین یارب العالمین

 

نعیم بھائی آپ کی شیئر کی گئی تمام دعائیہ شاعری بے مثال ہے ۔۔ اللہ تعالیٰ آپ کو سلامتی اور عزت عطا فرمائے۔ آمین یارب العالمین

 

دعا کی صورت میں اس کی خاطر
جو میرے ہونٹوں سے لفظ نکلے
جو میری آنکھوں سے اشک نکلے
انہی کے بدلے میں اے خدایا !!
تو جب بھی اس کا نصیب لکھنا
عروج لکھنا ، کمال لکھنا
کبھی نہ لفظ زوال لکھنا
بہت خوب نعیم بھائی