عمرہ زائرین میں وطن واپسی پر آب زم زم کے لیے کراچی ائرپورٹ پر لڑائی مار کٹائی

عمرہ زائرین میں وطن واپسی پر آب زم زم کے لیے کراچی ائرپورٹ پر لڑائی مار کٹائی ​

نیوز ڈیسک

30/05/2018 ​

​

خبر کے ساتھ ویڈیو

عمرہ زائرین وطن واپسی پر آب زم زم کے لیے کراچی ائرپورٹ پر لڑ پڑے۔ معاملہ بڑھنے پر عمرہ زائرین پر قابو پانے کے لیے اے ایس ایف کو طلب کرنا پڑ گیا۔

بتایا گیا ہے کہ درجنوں عمرہ زائرین وطن واپسی پر آب زم زم کے معاملے پر بری طرح لڑ پڑے، جھگڑے پر قابو پانے کے لیے اے ایس ایف کو طلب کرنا پڑگیا۔ یہ واقعہ منگل کی صبح پیش آیا جس کے مطابق ماہ صیام میں عمرہ کرکے واپس آنے والے زائرین کراچی ایئرپورٹ پر آپس میں بری طرح لڑ پڑے۔ جھگڑے میں استقبال کے لیے آنے والے افراد بھی شامل ہو گئے۔

اطلاعات کے مطابق یہ جھگڑا آب زم زم کی ملکیت کے معاملے پر ہوا معاملہ تلخ کلامی سے بڑھ کر ہاتھا پائی تک پہنچ گیا۔ کراچی ائیرپورٹ کے بین الاقوامی آمد کے باہر لاؤنج میں زائرین نے ایک دوسرے پر مکوں اور لاتوں کی بارش کردی۔ جھگڑے کے سبب عمرہ زائرین کی رشتہ دار خواتین نے ایئر پورٹ پر چیخ و پکار شروع کردی۔ معاملہ بہت بڑھ گیا تو عمرہ زائرین پر قابو پانے کے لیے اے ایس ایف کو طلب کرنا پڑگیا جس نے مداخلت کرکے دونوں فریقین میں صلح صفائی کرائی۔ اس جھگڑے کی ویڈیو ذیل کے لنک پر دیکھی جا سکتی ہے۔
=======================

کتنی شرم کی بات ہے کچھ لوگ اپنی اوقات دکھاتے ذرا بھی دیر نہیں لگاتے، کچھ دیر پہلے یہ عمرہ زائرین جن سعودی عرب سے چلے تو تب تک یہ اپنے گناہوں کی معافی مانگ چکے تھے، خوب عبادات کی ہونگی اللہ سبحان تعالی کو راضی کرنے کے لئے، توبہ استغفار بھی کی ہونگی مگر پاکستان پہنچتے ہیں پانی پر ایسے جگھڑ رہے ہیں جیسے کسی اکھاڑے میں لڑنے آئے ہوں، اگر یہی کام کرنا تھا تو پھر کیا فائدہ ایسے عمرہ اور عمرہ میں عبادات کا، سب ضائع کر دیں۔

 

استغفراللہ
لوگ عمرہ و حج اللہ تعالی کی رضا کے لئے نہیں بلکہ دکھاوے کے لئے کرتے ہیں۔
اگر زم زم نہیں لاسکے یا ایئرپورٹ پر گم ہوگیا تو صبر کرنا چاہیے تھا۔ مگر اندر کا شیطان کہاں چین سے بیٹھنے دیتا ہے۔
کیونکہ عزیزوں و اقارب کو زم زم تقسیم نہیں کیا تو لوگوں کو ہمارے عمرے کی خبر کیسے پہنچے گی؟؟؟
زم زم شاید مخصوص دکانوں سے بھی مل سکتا ہے جہاں سے عجوہ کھجوریں دستیاب ہیں۔

عبادات، روزے اور حج و عمرہ کے بعد بھی اگر صبر اور شکر شخصیت میں سرایت نہ کرسکا توسب کوشش بے کار ہے۔

 

ہماری ذہنی اور اخلاقی حالت اتنی بگڑ چکی ہے کہ جسے بیان کرنا ناممکن ہے۔

اس واقعہ پر افسوس ہی کیا جا سکتا ہے۔

 

بہت کم لوگ اچھائی کو اپنانے کا ارادہ کرتے ہیں۔ مگر اچھے دکھنے کے لئے نجانے کیا کیا جتن کرتے ہیں۔

 

انتظامیہ تو اتنے منہ پھٹ ہوتی ہے کہ کچھ اہل کار پوچھتے ہیں ہمارے لئے کیا لائے۔۔۔۔۔ یہاں جلد از جلد گھر پہنچنے کے لئے بے قرار مسافر کیا جواب دے۔۔۔۔