گنجِ جہان دے کر داتا تجھے بنایا۔ حضور داتا گنج بخش رح کی بارگاہ میں ہدیہ عقیدت

اللھم صل علی سیدنا ومولانا محمد وعلیٰ آلہ وصحبہ وبارک وسلم

ہے خدا و مصطفی ص نے کتنا کرم کمایا
گنجِ جہان دے کر داتا تجھے بنا یا

تو ہے حسنی و حسینی، تجھے فیض ہے جنیدی،
تو حبیب ہے خدا کا، ہے علی کا تجھ پہ سایا

تیری کشف نے ہےکھولے سِرّ و رموزِ ربیّ
ناقص بنائے کامل، کامل کو راہ دکھایا

بغداد میں ہیں میراں، اجمیرمیں ہیں سلطاں
شہرِ لاھور پر ہے داتا کا رنگ چھایا

تجھے قدرتیں خدا نے اتنی عظیم بخشیں
اہلِ نظر نہ تھے جو، کعبہ انہیں دکھایا

ہے جہان میں ہزاروں قطب و ولی قلندر
داتا کے جیسا رتبہ کسی اور نے نہ پایا

جو اڑا ہوا میں رائے، تیرے جوتے نیچے لائے
تیری اک نگاہ سے شیخِ ہندی وہ کہلوایا

کہیں قادری کھڑے ہیں، کہیں چشتی و نظامی
کاسہ بکف ہیں سارے، دامان ہے پھیلایا

تو رضا طلب کرے ہے جو صراطِ مستقیمی
راہِ خدا قرآں نے رہِ اولیاء بتایا

ہدیہ کلام : محمد نعیم رضا قادری۔ 12دسمبر2015 بروزہفتہ

 

شکریہ محترم بھائی ۔

 

بےشک۔۔ حق سچ ہے۔

 

جزاک اللہ ۔۔۔۔۔۔۔۔۔۔۔۔۔ بہت عمدہ

 

شکریہ محترم نظام الدین صاحب۔ جزاک اللہ خیر۔

 

شکریہ پیارے بھائی۔ دعا کرتے رہا کریں۔

 

سبحان اللہ ۔ حضور داتا سرکار رح کی شان ۔ اللہ اللہ

 

شکریہ برادر۔ دعا فرمایا کریں