سب لوگ جو چلنے لگیں زردار کے پیچھے

سب لوگ جو چلنے لگیں زردار کے پیچھے
لگ جائیں گے مفلس سبھی دیوار کے پیچھے

بےجان زمیں دے ہی نہیں سکتی سہارے
ہے کوئی تو ہستی صفِ اشجار کے پیچھے

زاہد سے بڑا کوئی گنہگار نہیں ہے
اے لوگو پڑو مت کسی میخار کے پیچھے

کرتا ہے دھماکے جو وہ ہے مردِ مجاہد
فتوے گھڑے جاتے ہیں عزادار کے پیچھے

پلکوں پہ بٹھاتی ہے دغاباز کو دنیا
اور تہمتیں لگتی ہیں وفادار کے پیچھے

اے یار کسی یار پہ مت کرنا بھروسہ
دُشمن چُھپے ہوتے ہیں ہر اک یار کے پیچھے

یہ ہاتھ میں آنے کی نہیں چیز اے پیارے
مت بھاگا کرو وقت کی رفتا کے پیچھے

شمع کو کہاں علم تھا اس بات کا باقرؔ
پروانے مریں گے مرے دیدار پیچھے

مُــــــــــــــــرید بــــــــــــــــاقرؔ انصــــــــــــــــاری
.
.

 

بہت ہی اچھے http://urdujokespeotry.blogspot.com/2017/07/Hearted-Sad-Urdu-Poetry.html

 

شکریہ سلامت رہیں