سچے افلاک ہیں سارے شبِ معراج آئی ہے۔ محمد نعیم رضا کا تازہ ہدیہ کلام

السلام علیکم۔ بحمدللہ تعالی شب معراج کی مناسبت سے تازہ ہدیہ کلام حاضر ہے۔
اللھم صل علی سیدنا ومولانا محمد وعلی آلہ وصحبہ وبارک وسلم

بحکمِ باری تعالیٰ کے، شبِ معراج آئی ہے۔
سجے افلاک ہیں سارے شبِ معراج آئی ہے

لیا جبریل نے سرکار کے تلووں کا جب بوسہ
عرض کی مصطفیٰ پیارے ، شبِ معراج آئی ہے

ہوئے اَسوار جب براق پہ آقا تو یوں بولا
مقدر جاگ اٹھے میرے، شبِ معراج آئی ہے

جو سردارِ ملائک ہیں، جنہیں جبریل کہتے ہیں
بنے سائیس آقا کے ، شبِ معراج آئی ہے

صفوں میں انبیاء سارے، مگر اُنکی امامت کو
امام الانبیاء آئے شبِ معراج آئی ہے

شبِ اَسرا کے دولہا کی زیارت کے لیے قُدسی
سراپا شوق ہیں سارے شبِ معراج آئی ہے

سرِ سدرہ رُکے جبریل بولے میرے آقا سے
میری طاقت نہیں آگے، شبِ معراج آئی ہے

سوئے عرشِ الہی لامکاں میں چل پڑے آقا
سرِ عرشِ علیٰ پہنچے، شبِ معراج آئی ہے

جنہیں موسیٰ کی آنکھیں دیکھ نہ پائیں وہی جلوے
حبیب اپنےکو دکھلائے شبِ معراج آئی ہیں

خدائے پاک نے قوسین و اَو اَدنیٰ پہ بٹھلا کے
سب اپنے راز بتلائے، شبِ معراج آئی ہے

محبت کا سفر، اہلِ محبت ہی سمجھ پائے
خِرَد حیران ہے کیسے، شبِ معراج آئی ہے

رضا کو گر عطا قطرہ ہو اک عشقِ صدیقی سے
تو پھر اَسرا بتا پائے، شبِ معراج آئی ہے۔

کلام محمد نعیم رضا قادری۔ جمعہ 29۔اپریل۔2016
​

 

سبحان اللہ العظیم

 

شکریہ برادر بھائی۔ جزاک اللہ

 

شکریہ پیارے بھائی۔ اللہ کریم آپکو بھی جزائے خیر دے

 

جذاک اللہ خیر

 

شکریہ زنیرہ ۔ جزاک اللہ خیر