میاں بیوی کے لطیفے (لطائف نہیں)

ھارون رشید دفتر میں ترقی پاکر افسر بن گئے تو اگلے دن ہی آفس کے دروازے پر بڑا سا بورڈ آویزاں کردیا۔ جیسے پڑھ کر پورے سٹاف کی جان ہی نکل گئی ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہاں میں باس ہوں ۔ صرف میرا حکم چلے گا
ہمیشہ یاد رکھنا اور اپنی اوقات میں رہنا
۔۔۔۔۔۔۔۔۔۔۔۔۔۔۔۔۔۔۔۔۔۔۔

اگلے دن باس یعنی بڑے بھائی باتھ روم گئے۔ واپس آفس داخل ہوئے تو دفتر پر کاغذ پر ایک پیغام لکھا تھا











آپکے گھر سے آپکی بیگم کا فون آیا تھا۔ پیغام دیا ہے کہ کچن کے دروازے سے جو بورڈ اتار کر لے گئے ہو۔ وہ فورا ََ شام کو واپس لے آنا۔

 

ایور گرین جوڑی

 

نجانے گزرے گی کیا دل پہ ، کیسی وہ گھڑی ہوگی
سنا ہے درمیاں حوروں کے ، بیگم بھی کھڑی ہوگی

 

ڈاکٹر مریض کے معائنے کے بعد
ڈاکٹر : کوئی پرانی بیماری ہے جو اندر ہی اندر آپ کی صحت اور ذہنی سکون تباہ کر رہی ہے
مریض : آہستہ بولیں !! باہر ہی بیٹھی ہے ۔۔۔۔۔۔۔۔۔۔۔

 

ڈاکٹر : آپ کے شوہر کا چیک اپ کیا ، مجھے وہ ٹھیک نہیں لگ رہے
بیوی : ٹھیک تو مجھے وہ کبھی بھی نہیں لگے ۔۔۔۔۔ مگر کیا کروں بچوں کے خاطر گزارا کر رہی ہوں

 

بولیں بیگم ایک دن ، کچھ کام کیوں کرتے نہیں ؟
مفلسی کی دھوپ سے بچے چھوہارا ہوگئے
چیخ کر بولے میاں ، اب اس سے بڑھ کر کیا کروں
ہم کبھی تربوز تھے ، اب آلوبخارا ہوگئے !!

 

بیوی : آپ اپنے دوست کی بیوی کے جنازے میں نہیں گئے ؟
شوہر : کس منہ سے جاؤں ؟ ۔۔۔ وہ تین دفعہ بیوی کے جنازے میں بلُا چکا ہے ، میں نے ایک دفعہ بھی نہیں بُلایا !!

 

قتل کی سب سے مختصر کہانی :
بیوی : سنتے ہو۔
شوہر : نہیں۔

 

میاں بیوی کا رشتہ وہ عظیم رشتہ ہے جسے الفاظوں میں بیاں نہیں کیا جاسکتا آپ یوں سمجھ لیں اس کی عظمت کو ، اگر نیند کی گولی بیوی کھاتی ہے اور سکون شوہر کو ہوتا ہے

 

عاشق کبھی کامیاب نہیں کہلوا سکتا۔
عاشق وہی کہلواتا ہے جو ناکام ہوتا ہے
جو عشق میں کامیاب ہو جاتا ہے ۔ وہ " خاوند " کہلاتا ہے

 

بیوی : میں سوچتی ہوں اگر میں مر گئی تو آپ کا کیا ہوگا ؟
شوہر : لیکن میں تو سوچتا ہوں اگر تم نہ مری تو میرا کیا ہوگا !!

 

شوہر بے حد بیمار تھا جسے ڈاکٹرز نے بھی جواب دے دیا تھا اس کی بِیوِی بہت پریشان اور فکر مند رہتی تھی . وہ خدا سے دعا کرتی تھی کہ اے الله ! میری جان لے لے اور میرے شوہر کی جان کو بخش دے . ابھی عورت یہ دعا مانگ ہی رہی تھی کے کچن میں بلی نے دودھ میں منه ڈالا جس سے برتن گر پڑا .
عورت گھبرا گئی اور سمجھی ملک الموت آ گئے ہیں . یہ خیال کہ شاید میری دعا قبول ہو گئی ہو . بہت ڈری اور کہنے لگی حضرت ادھر خیال نہ کریں . جس کے لیے آپ آئے ہیں اسے ہی لے کر جائیں . وہ اندر پڑا ہے .

 

ماں : بیٹا ٹیپو سلطان کون ہے ؟
بیٹا : پتہ نہیں ۔۔۔
ماں : کھیل کود چھوڑو ، پڑھائی پر دھیان دو
۔۔۔۔۔۔۔
بیٹا : ممی نوشین آنٹی کون ہیں ؟
ماں : پتہ نہیں
بیٹا : صفائی ستھرائی چھوڑو ، پاپا پر دھیان دو

 

ایک حور آئیں تھیں خواب میں !

 

ایک صاحب ڈینٹسٹ سے بولے : " ڈاکٹر صاحب! کسی قسم کے فالتو خرچ کی کوئی ضرورت نہیں ، کسی انجیکشن یا گیس یا کوئی بھی اس قسم کی سُن کرنے والی چیز ۔ ۔ ۔ نا بابا نا ۔ ۔ ۔ بس آپ اپنا دانت اُکھاڑنے والا آلہ نکالیں ، دانت کو مضبوطی سے پکڑ کر زور سے کھینچ لیں اور جلدی سے قصہ ختم کریں "
ڈاکٹر صاحب نے انتہائی حیرانی سے کہا : " کیا بات ہے جناب آپ کی ! کاش میرے سارے مریض آپ جیسی ہمت والے ہوتے ، بتائیے کونسا دانت نکلوانا ہے ؟ "
وہ صاحب پیچھے مڑ کر " بیگم ! ذرا ڈاکٹر صاحب کو بتاؤ آپ کو کونسا دانت نکلوانا ہے ؟ "

 

بیوی : میں ڈرائیور کو نوکری سے نکال رہی ہوں
شوہر : کیوں ؟؟
بیوی : کیونکہ آج میں دوسری بار مرتے مرتے بچی ہوں
شوہر : بیگم پلیز !! غریب ہے بیچارہ اُسے ایک موقع اور دو ۔۔

 

پہلا دوست : تمھیں پتا ہے ! میری بیوی تو جنت کی ایک حور ہے ۔
دوسرا دوست : (سرد آہ بھرتے ہوئے) تم بہت خوش قسمت ہو یار ! میری بیوی ابھی زندہ ہے ۔

 

میاں بیوی چوری کے موضوع پر بات کر رہے تھے
شوہر : جو شخص چوری کرتا ہے ۔۔۔ وہ بعد میں ضرور پچھتاتا ہے
بیوی رومانٹک موڈ میں بولتی ہے : اور آپ نے جو شادی سے پہلے میری نیندیں چرائی تھیں! اُن کے بارے میں کیا خیال ہے ؟ شوہر : بکواس کر تو رہا ہوں ۔۔۔ وہ بعد میں ضرور پچھتاتا ہے

 

بیوی آسمان پر ستارے دیکھتے ہوئے بولی " بتائیں وہ کونسی چیز ہے جو آپ روز دیکھتے ہیں لیکن توڑ نہیں سکتے ؟"
شوہر " تمہارا منہ !! "

 

بیوی بہت تیز رفتار سے گاڑی چلا رہی تھی
شوہر نے اس سے کہا " جب تم تیزی سے گاڑی کو موڑتی ہو تو مجھے بہت ڈر لگتا ہے "
بیوی مسکراتے ہوئے " اس میں ڈرنے کی کیا بات ہے ؟ ۔۔۔ آپ بھی موڑ پر میری طرح آنکھیں بند کرلیا کریں "

 

بیوی " سنا ہے !! جنت میں شوہر کو بیوی کے ساتھ نہیں رہنے دیں گے "
شوہر " صحیح سنا ہے ۔۔۔ "
بیوی " ایسا کیوں ؟؟ "
شوہر " پگلی !! اس ہی لیے تو اُسے جنت کہتے ہیں "

 

سب کام ہم اکیلے تو نہیں کرسکتے ، کچھ خدمت اس لڑی کی آپ کو بھی انجام دینی چاہیے

 

لڑکی " شادی کے بعد میں تمھارے تمام دکھ درد بانٹ لونگی "
لڑکا " مگر میری زندگی میں تو کوئی دکھ درد ہے ہی نہیں !! "
لڑکی " یہ تو تمھیں شادی کے بعد ہی پتہ چلے گا "