ہماری اردو - انٹرنیٹ سے آگے(سلسلے ملاقاتوں کے)

اور لاھور تو ویسے بھی '' اس معاملے '' میں '' جگ مشہور'' ہے ۔

 

بائے مہربانی اس لڑی کے موضوع کا خیال رکھا جائے

 

واصف بھائی آج تو کچھ لکھنا ہی پڑے گا۔

 

قسط سوم

واصف بھائی نے کیا خوب یاد کرایا ہے۔۔۔۔۔۔عرصہ ہوا شاید ہماری اردو آئے۔۔۔۔۔کہہ سکتے ہیں۔۔۔ہم تو اس روداد کو اپنے ذہن سے بھلائے بیٹھے تھے۔۔۔۔۔کہ مصروفیت نے ۔۔۔۔جی جی ۔۔وہی پرانا بہانہ۔۔۔۔مگر سچ۔۔۔۔ فراق گو رکھپوری کہتے ہیں:

اب یاد رفتگاں کی بھی ہمت نہیں رہی
یاروں نے کتنی دور بسائی ہیں بستیاں

مگر ہماری اردو کے پیارے ان دور بسی بستیوں میں بھی پہنچ جاتے ہیں۔۔۔۔۔تو عرض کررہا تھا کہ ملکوال شہر پہنچ گئے۔۔۔۔۔لوگوں سے پرانے اناج منڈی کا پوچھا۔۔۔۔۔۔الکرم صاحب بھی نظر آئے۔۔۔۔۔کچھ دیر بعد از قیام ۔۔۔۔شہر کے دکانوں کے سامنے کھڑے ہوتے رہے۔۔۔۔تاکہ اپنے اس بستی سےبھی پرانی شناسائی جو ہے اپنے الکرم صاحب اور بلال بھائی کے طفیل۔۔۔۔۔۔۔اکیلے بھی گھومے تاکہ بوقت ضرورت سند رہے۔۔۔۔۔۔۔مگر دل کے نہاخانوں میں۔۔۔۔ساحرہوشیارپوری نے خوب کہا ہے کہ :

کون کہتا ہے محبت کی زباں ہوتی ہے
یہ حقیقت تو نگاہوں سے بیاں ہوتی ہے

ہم تو اپنے اس طرح کی بستیوں میں محبت کی زباں سے کلام کرتے اور سنتے ہیں۔۔۔۔کہ:

روح کو شاد کرے دل کو جو پُر نور کرے
ہر نظارے میں یہ تنویر کہاں ہوتی ہے

پر تاب نظارہ بھی تو چیز دگر ہے۔۔۔۔بہت کچھ نظروں کے سامنے عیاں ہو۔۔۔۔۔مگر کچھ نہیں۔۔۔۔اور بہت کچھ نہ ہو۔۔۔اور سب کچھ ہے۔۔۔۔۔۔۔۔انتظار کرتے رہے کہ دیگر جگہوں سے آنے والے دوست بھی آجائیں۔۔۔۔ہم اپنی تمام تر سستی کے باوجود۔۔۔۔۔جب اس روداد کو لکھنے بیٹھے۔۔۔۔تو یقین کریں۔۔۔۔۔۔غوری بھائی کے قہقہے اور اپنی نگاہوں کو کیمرے کے پیچھے کیے اچھی تصاویر کی تلاش میں سرگرداں نظر آئے۔۔۔۔بزم خیال کے باساختہ جملے۔۔۔۔ھارون بھائی کا سب کی توجہ کو اپنی طرف مائل کرنا۔۔۔۔اور اس کے بعد سب کچھ ہنس کے سہنا۔۔۔۔۔۔۔۔شور زیادہ تو نہیں ہوگیا۔۔۔۔مگر ہے تو محبتوں کی آوازیں۔۔۔۔۔۔جن سے زندگی کی روانی قائم ہے۔۔۔۔۔۔۔۔تمام رنگ اپنی رنگینی میں اس وقت ہی نظر آجاتے ہیں۔۔۔۔جب اس طرح کی خوشیاں ملیں۔۔۔۔اور ہم ان خوشیوں کے درمیاں اپنے آپ کو پائیں۔۔۔۔معراج ہے۔۔۔۔۔۔۔۔الکرم صاحب۔۔۔۔نے بڑی تگ و دوکی۔۔۔۔تاکہ بلال بھائی کو کہیں سے ہمارے پاس حاضر کریں۔۔۔۔۔ایک دم رنگ بدلنے لگے۔۔۔ماحول کے۔۔۔۔دولہا میاں کے تشریف لانے کی خوشی میں۔۔۔۔۔کہ:
الکرم صاحب اور ہماری اردو کے کچھ دوست یہ خوب سمجھیں گے۔۔۔۔شاعری کی زبان میں:

نظریں نیچی کیے شرمائے ھوئے آئے گا
کاکلیں چہرے پہ بکھرائے ھوئے آئے گا

جی ایسے ہی تھا کیونکہ:

پتیا ں کھڑکیں تو ہم سمجھے کہ آپ آ ہی گئے
سجدے مسجود کے معبود کو ہم پا ہی گئے

جی ہاں بلال بھائی دولہا کے روپ میں ہمارے سامنے تھے۔۔۔۔۔۔ملے ان سے اور خوب ملے۔۔۔۔۔باتیں ہوئی ہزار:

قبولِ خاطرِ معشوق شرطِ دیدار است
بحکمِ شوق تماشا مکن کہ بے ادبی است
یعنی دیدار اس قدر ہی کریں۔۔۔جس قدر دوست اجازت دے۔ ورنہ بے ادبی ہوگی۔

تلمیذ صاحب کا ہنستا مسکراتا چہرہ یاد آرہا ہے۔۔۔۔۔۔۔اللہ انہیں غریق رحمت کرے اور کروٹ کروٹ جنت نصیب کرے۔۔۔۔بطور خاص اس پرمسرت موقعے پر تشریف لائے۔۔۔۔۔گجرات سے اور بلال احمد سے ملاقات کا شرف حاصل ہوا۔۔۔۔۔۔کس کا نام لکھوں۔۔۔۔کہ سب ماہتاب تھے۔۔۔۔اورہم نظاروں میں کھوئے۔۔۔معصوم بچے کی طرح کہ تیری چاہت مری معصومیت پر چھائے جاتی ہے۔۔۔۔۔جب چاہتوں کا ایسا میلا ہوتا ہے۔۔۔۔تو نعیم بھائی کا ذکر ضرور ہوتا ہے۔۔۔۔۔سید عبدالرحمن بھی خوب یاد آتے ہیں۔۔۔۔۔دیگر احباب کو بھی باقاعدہ یاد کیا جاتا ہے۔۔۔۔۔۔اس میں ہمارا کوئی کمال نہیں۔۔۔۔بلکہ ان شخصیات کے لازوال محبتوں اور چاہتوں کے احسان مند ہوتے ہیں۔۔۔جس کی وجہ سے ان کا ذکر کیے بغیر ہماری اردو کی مجلسیں ناتمام ہوتی ہیں۔
ولیمے کے اس دعوت میں خوشی سے سرشار ایک خوشخبری ملی کہ آج بزم خیال بھائی کا جنم دن ہے۔۔۔۔۔۔بس کیا تھا۔۔۔۔۔۔کئی احباب بازار کی طرف ۔۔۔دوڑے۔۔۔کیک ایک سے زائد۔۔۔۔۔شاید ھارون بھائی نے فرمائش کی ہوگی۔۔۔۔۔۔غوری بھائی کا نام اپنے ساتھ ایسے ہی ملا کے۔۔۔۔۔اور اور بہت کچھ۔۔۔۔یعنی خوشی دوبالا۔۔۔۔۔۔اب کے دولہا محمود بھائی کو بنایا گیا۔۔۔۔۔۔یعنی ایک ہی آسمان تلے دو آفتاب۔۔۔۔زرا اندازہ کریں۔۔۔ہماری خوش بختی کا۔۔۔۔۔۔شکر ہے اللہ کریم کا۔

آخر میلے کو چھوڑ کر یار بیلی اپنے اپنے منزلوں کی طرف چل پڑے۔۔۔۔۔۔۔۔واپسی کے سفر میں نہر کنارے۔۔۔۔۔مچھروں کی یلغار میں ایک پیالی چائےپی۔۔۔۔۔اور واپس گھر آگئے۔۔۔۔۔۔یوں یہ روداد اپنے اختتام کو پہنچتا ہے۔

 

محبوب خان بھائی بہت عمدہ۔ روداد کا یہ آخری حصہ تو گویا موتیوں کی لڑی ہے۔ایک ایک لفظ میں محبت اور یادوں کی جھلک ہے۔ بہت عمدہ۔۔۔

 

شکریہ غوری بھائی۔

 

کاش کا چکر بہت گھمبیر ہوتا ہے۔

 

شکریہ واصف بھائی۔

 

وجہ

 

عقل ہونی چاہئے

 

بقول سید شہزاد ناصر صاحب ہیڈ قادر آباد پر تربوز کھانے جانا چاہئے

اور میرا بھی خیال یہی ہے کہ رمضان شریف سے پہلے کوئی پروگرام بنا لیا جائے

 

تربوز کھانے کے شوقین حضری لگوائیں

 

وہ کیوں؟

 

صرف تربوز ہی نہیں ہوں گے