بہشت وصل سے پھینکا گیا ہوں

بہشت وصل سے پھینکا گیا ہوں
میں دشت ہجر میں ڈالا گیا ہوں

مقفل تھا کسی تصویر سے میں
سو ضرب ہجر سےتوڑا گیا ہوں

بہت مبہوت ہوں اک بت سے مل کر
مکمل طور پر پتھرا گیا ہوں

وفورِ غم نے خالی کر دیا ہے
دبی آواز تھا بھرا گیا ہوں

کرنجی جھیل میں ڈوبا ہوں جب سے
میں پیلی دھوپ سا ہوتا گیا ہوں

بہت بے چین کر رکھا ہے دل کو
تمہارے حسن سے گھبرا گیا ہوں

 

خوبصورت مرکبات، شاندار تشبیہ واستعارے اور بہترین لفظیات کے ساتھ متاثر کن کاوش۔۔۔۔۔محترم سید صاحب
حال میں پوسٹ کردہ غزل کے بعد یہ ایک اور بہترین غزل پڑھنے کو ملی ۔۔۔۔۔۔۔۔۔۔کرنجی آنکھوں کی نسبت سے
کرنجی جھیل نے بزرگوں سے سنے اُس جملے کی یاد تازہ کردی ۔۔۔۔۔۔۔۔۔۔۔کنجی آنکھوں والے یا کنجی کنجی آنکھیں
۔۔۔۔۔۔۔۔۔۔۔۔خیر بہت بہت بہت داد قبول فرمائیں۔۔۔۔۔۔۔۔اللہ تعالیٰ آپ کے فکرو خیال میں برکت فرمائے
اور یہ اِسی طرح مائل بہ پرواز بلکہ پرِ پرواز رہے۔۔۔۔۔۔اور ہمیں ارفعٰ واعلیٰ ، نادر اور کامیاب تخیل کے ساتھ ساتھ اُردُو
کے دلکش الفاظ کے بہترین استعمال کی شاندار مثالیں بھی دیکھنے کو ملتی رہیں اور شاندا رترکیبات بھی میسر آتی رہیں۔۔۔۔

 

انتہائی خوبصورت اور متاثر کن الفاظ ہیں مگر سید علی رضوی اور خان بھائی سے درخواست ہے کہ اس غزل کو دوبارہ چیک کریں ،اس کی بحر مفاعیلن مفاعین فعولن ہے مگر مندرجہ ذیل مصرعے خوبصورت الفاظ کے باوجود وزن پر پورا نہیں اترتے
مصرعہ نمبر 1--2--4--8--اور 9

 

مصرع نمبر1
بہشت وصل سے پھینکا گیا ہوں
میں دشت ہجر میں ڈالا گیا ہوں
۔۔۔۔۔۔۔۔۔۔۔۔۔۔۔محتر م پہلے شعرمیں بہشتِ وصل ، ایک خوبصورت ترکیب ہے
یعنی فردوسِ قربت تو آپ نے غالباً بہشتِ وصل میں بہشت کی زیر کو نہیں پڑھا۔۔۔۔۔۔
یہ اضافتِ زیر سے بنی ایک بہترین ترکیب ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصرع نمبر2
یہی معاملہ دوسرے مصرعے کے مرکب دشتِ ہجر کا ہے۔۔۔۔۔۔۔۔۔۔۔۔۔۔۔۔۔۔۔
مصرع نمبر 4
بعینہٖ چوتھے مصرعے کی خوبصورت ترکیب میں آپ ضربِ ہجر کو محض ضرب+ہجر پڑھ
رہے ہیں جو عروض ڈاٹ کام پر وزن سے ہٹاآرہا ہے۔۔۔۔۔۔۔۔۔۔۔۔۔۔۔۔۔۔۔۔۔۔
مصرع نمبر8
وفورِ غم نے خالی کر دیا ہے
دبی آواز تھا بھرا گیا ہوں
اِس مصرعے میں ایک دوسرا معاملہ ہے یعنی آپ بھرا کو ذرا یا ڈرا کے وزن پر پڑھ رہے ہیں جبکہ
یہ بھررا ہے ۔۔۔ضبطِ غم میں عموماًانسان اِس کیفیت سے گزرتا ہے ۔۔۔۔۔گلارندھ جاتا ہے
آواز بھرّا جاتی ہے۔۔۔۔۔۔۔۔۔۔۔۔۔۔۔۔
وفورِ غم نے خالی کردیا ہے
دبی آواز تھا بھررا گیا ہوں۔۔۔۔۔۔۔(بھرا کو تشدیدلگا کرپڑھیں)
مصرع نمبر 8


میں ایک تیسرا معاملہ درپیش ہے۔۔۔۔۔۔۔۔۔۔یہاں واقعی ، لفظ کرنجی بحرسے ہٹا دکھایا
جارہا ہے (عروض ڈاٹ کام)چنانچہ اِس مصرعے کو اگر یوں کردیا جائے تو بحر اِسےمِن و عَن
قبول کرلے گی۔۔۔۔۔۔۔۔۔۔۔۔۔۔۔۔
میں کنجی جھیل میں ڈوبا ہوں جب سے(مگر کنجی اصلاً غلط ہے صحیح اور دُرست کرنجی ہی ہے

۔۔۔۔۔اُردُو میں بہرحال کنجا ، کنجی بھی رائج اور مستعمل ہے)​

تو پیلی دھوپ سا ہوتا گیا ہوں
۔۔۔۔۔۔۔۔۔۔۔۔۔۔۔۔

 

شکریہ خان بھائی ۔ واقعی میں نے عروض پر ہی ڈال کر دیکھی تھی غزل اور جن جن مصرعوں میں سرخ نشان آئے لکھ دیا ۔ سید صاحب سے معذرت

 

معذرت والی کوئی بات نہیں ہم بھی اسی طرح سیکھتے ہیں میں تو چھوٹا سا آدمی ہوں اس کے باوجود سید سلمان گیلانی کے شعر پر اعتراض کر بیٹھا ہاں مگر وہاں مجھے سیکھنے کو ملا میں بھی اسی طرح سیکھتا ہوں بات کر لینی چاہیے بات سے بات بنتی ہے

 

شکریہ علی بھائی --ایک غزل پوسٹ کر رہا ہوں ۔رائے ضرور دیجئے گا
--------