لفظِ “محبت“ پر شعر کہیں

یہاں ایک نیا سلسلہ شروع کیا جا رہا ہے۔ یہاں آپ ایسے اشعار دیں گے جس میں لفظِ محبت استعمال ہو۔

پہلا شعر حاضر ہے۔

یہ رکھ رکھاؤ محبت سِکھا گئی اُس کو
وہ روٹھ کر بھی مجھے مُسکرا کے ملتا ہے​

 

سنا ہے اب محبت کرنے والا
وفا کی شرط سے آزاد ہو گا

 

مجھے ہے تم سے محبت مجھے ہے تم پہ یقیں
مِری قسم کا تمہیں اعتبار ہو کہ نہ ہو​

 

محبت تھی اُسے لیکن مِرا افلاس جب دیکھا
پریشاں سی نظر آئی وہ نازوں میں پَلی مجھ کو​

 

محبت کرنے والے کم نہ ہوں گے
تیری محفل میں لیکن ہم نہ ہوں گے

 

ہم محبت میں بھی توحید کے قائل ہیں فراز
ایک ہی شخص کو محبوب بنائے رکھا

 

محبت میں وہ تڑپائیں، ستم ڈھائیں، سزا دیں
مگر ٹوٹے نہ یارب حوصلہ ٹوٹے ہوئے دل کا​

 

محبت میں نہیں‌ہے فرق جینے اور مرنے کا
اسی کو دیکھ کر جیتے ہیں جس کافر پہ دم نکلے

 

محبت میں تو بس دیوانگی ہی کام آتی ہے
یہاں جو عقل دوڑائے وہ عاقل ہو نہیں سکتا​

 

جفا جو عشق میں ہوتی ہے وہ جفا ہی نہیں
سِتم نہ ہو تو محبت کا کچھ مزا ہی نہیں​

 

مَر مَر کے بنائی ہے یہ تصویرِ محبت
اب اپنے ہی ہاتھوں سے مٹائی نہیں جاتی

کِس دل سے یہ کہتے ہو تمہیں دِل سے بُھلا دوں
ہر روز تو یہ دُنیا بسائی نہیں جاتی​

 

محبت کا یہی معیار ہو گا
جو سَر دے گا وہی سردار ہو گا
کسے معلوم تھا یہ غم کا عالم
ہمارے ہی گلے کا ہار ہو گا​

 

سبق جس کو وفا کا یاد ہو گا
محبت میں‌وہی برباد ہوگا

 

مجھ کو دُشمن کے اِرادوں پہ بھی پیار آتا ہے
تیری اُلفت نے محبت مِری عادت کر دی​

 

اے ابرِ محبت تُو کہیں اور برس جا
میں ریت کا ٹیلا ہوں مِری پیاس بہت ہے​

 

اپنا یہ حال کہ جی ہار چُکے لُٹ‌بھی چُکے
اور محبت وہی انداز پُرانے مانگے​

 

ذکرِ شبِ فراق سے وحشت اُسے بھی تھی
میری طرح کسی سے محبت اُسے بھی تھی​

 

محبت ترک کی میں نے، گریباں سی لیا میں نے
زمانے اب تو خوش ہو ، یہ زہر بھی پی لیا میں نے

ابھی زندہ ہوں لیکن سوچتا رہتا ہوں خلوت میں
کہ اب تک کِس تمنا کے سہارے جی لیا میں نے​