قواعد و ضوابط

السلام علیکم و رحمۃ اللہ و برکاتہ

تمام صارفین کو ہماری اردو چوپال پر خوش آمدید۔ یہاں پیغامات ارسال کرنے سے پہلے آپ کو تاکید کی جاتی ہے کہ مندرجہ ذیل قواعد و ضوابط کا مطالعہ کرلیں تا کہ بعد ازاں کسی قسم کا کوئی ابہام نہ رہے۔

• دوسروں کی دل آزاری کا باعث بننے والی تحریریں اِرسال کرنے سے اِجتناب کریں۔

• لغویات، گالی گلوچ اور دھمکی آمیز پیغامات کی قطعاً اجازت نہیں۔

• کسی کی رائے سے عدمِ اِتفاق کی صورت میں اُس کا جواب دیتے وقت اعلی ظرفی اور تہذیب کا دامن ہاتھ سے مت چھوڑیں۔

• دوسروں کی عزتِ نفس کا اُسی قدر دھیان رکھیں جتنا اپنی عزتِ نفس کا رکھتے ہیں اور کسی کی ذاتیات پر حملہ مت کریں۔

• کاپی رائٹ کے زمرے میں آنے والا مواد اِرسال کرنے سے اِجتناب کریں۔

• ایسا مواد جس سے کسی مذہبی، سیاسی، سماجی گروہ یا کسی ملک و قوم کی دل آزاری کا پہلو نکلتا ہو، مت اِرسال کریں۔ ایسا مواد متعلقہ صارف کو مطلع کئے بغیر فوری حذف کر دیا جائے گا۔

• کسی قسم کی ذاتی معلومات، مثلاً پتہ اور فون نمبر وغیرہ اِرسال نہ کریں جس سے عوامی رسائی ممکن ہو۔ ایسی ذاتی معلومات صرف متعلقہ رکن کو ذاتی پیغام “ذپ“ میں لکھ بھیجیں۔

• چوپال کے منتظمین کو کسی پیغام میں ردوبدل اور اسے حذف کرنے کا پورا پورا اختیار ہے۔

• دینی مضامین , آیات و احادیث یا اقوالِ اہلبیت اطہار وصحابہ کرام رضوان اللہ عنہم ارسال کرتے وقت مستند حوالہ جات ساتھ لکھے جائیں ۔بنا حوالہ جات کے تحریریں نامنظور کی جاسکتی ہیں۔

• کسی صارف کی طرف سے مندرجہ بالا قواعد و ضوابط کی خلاف ورزی کی صورت میں ازخود اُس کی خبر لینے کی بجائے چوپال کے منتظمین کو آگاہ کریں۔

• مندرجہ بالا قواعد کی خلاف ورزی کا مرتکب ہونے والے صارف کو انتظامیہ کی طرف سے ایک بار تنبیہہ کی جائے گی۔ دوبارہ اِرتکاب کی صورت میں متعلقہ صارف کو چوپال سے بے دخل کیا جا سکتا ہے۔


شکریہ


ہماری اردو میں پیغامات کی تعداد پر مبنی صارفین کے مراتب حسبِ ذیل ہیں:


مبتدی----- کم از کم 1 پیغامات اور 1 پسندیدگیاں
معاون----- کم از کم 100 پیغامات اور 10 پسندیدگیاں
محسن ------ کم از کم 500 پیغامات اور 50 پسندیدگیاں
مشتاق------ کم از کم 1000 پیغامات اور 100 پسندیدگیاں
ماہر ------- کم از کم 2000 پیغامات اور 200 پسندیدگیاں
متخصص ---- کم از کم 5000 پیغامات اور 500 پسندیدگیاں
یک از خاصان - کم از کم 10000 پیغامات اور 1000 پسندیدگیاں
خاصہ خاصان -- کم از کم 25000 پیغامات اور 2500 پسندیدگیاں
شمس الخاصان -- کم از کم 50000 پیغامات اور 5000 پسندیدگیاں