اف یہ بیویاں

میاں بیوی بستر پر لیٹے سونے کی تیاری کر رہے تھے ۔ اچانک بیوی بولی
بیوی : سنو ! کیا تم میرے مرنے کے بعد دوسری شادی کر لو گے ؟؟
شوہر : نہیں‌ بیگم ۔ تمہیں پتہ ہے میں تم سے کتنا پیار کرتا ہوں ۔ میں دوسری شادی نہیں کرونگا ۔
بیوی : لیکن تم اتنی لمبی زندگی تنہا بھی تو نہیں‌ گذار سکتے ۔ شادی تو تمہیں کرنا ہو گی
شوہر : دیکھا جائے گا ۔ اگر ضروری ہوا تو کر لوں گا !!
بیوی : ( دکھ بھری آواز میں ) کیا تم واقعی دوسری شادی کر لو گے ؟
شوہر : بیگم ! ابھی تم خود ہی تو زور دے رہی تھی ۔
بیوی : اچھا کیا تم اسے اسی گھر میں لاؤ گے ؟
شوہر : ہاں ۔ میرا خیال ہے ہمارا گھر کافی بڑا ہے اور اسے یہیں رہنا ہو گا
بیوی : کیا تم اسے اسی کمرے میں رکھو گے
شوہر : ہاں کیونکہ یہی تو ہمارا بیڈ روم ہے
بیوی : کیا وہ اسی بیڈ پر سوئے گی
شوہر : بھئی بیگم ظاہر ہے اور کہاں سوئے گی
بیوی : اچھا کیا وہ میری جیولری استعمال کرے گی ؟؟
شوہر : نہیں اس جیولری سے تمہاری سہانی یادیں وابستہ ہیں ۔ وہ یہ استعمال نہیں کرسکے گی
بیوی : اور میرے کپڑے ؟؟
شوہر : پیاری بیگم ! اگر مجھے شادی کرنا ہوئی تو وہ کپڑے بھی خود ہی لے کر آئے گی ۔
بیوی : اور کیا وہ میری گاڑی بھی استعمال کرے گی ؟؟
شوہر: نہیں ۔ اسے گاڑی چلانا نہیں آتی ۔ بہت دفعہ بولا لیکن وہ سیکھنا ہی نہیں چاہتی ۔
۔۔۔۔۔۔۔۔۔۔۔۔
بیوی : کیا ااااااااااااااااااااااااااااااااا ؟؟؟

 

کہتے ہیں قسمت اور بیوی تنگ تو کرتی ہے
لیکن
جب ساتھ دیتی ہے تو زندگی بدل دیتی ہے

 

ابھی "تبدیلی" کا وقت نہیں آیا

 

دنیا میں دو قسم کی بیویاں پائی جاتی ہیں۔

ایک وہ جو شوہر کی مکمل دلجوئی کرتی ہے۔ شوہر کے آرام و سکون کا خیال رکھتی ہے۔ شوہر کے والدین کو اپنا والدین مانتی ہے۔
اور سب سے بڑھ کر شوہر کی فرمانبردار ہوتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دوسری وہ جو ہر شوہر کے پاس ہوتی ہے۔

 

جواب اوپر موجود ہے

 

فجر کی نماز ادا کرکے میں دعا مانگ رہا تھا ... بیگم کچھ فاصلے پر بیٹھی ہوئی ہاتھ میں تسبیح کے دانے گھماتے ہوئے مجھے دیکھ رہی تھیں ...
اچانک ان کی طرف سے سوال آیا ..
" یہ اتنے خشوع و خضوع سے اللہ میاں سے کیا مانگا جارہا تھا ؟ "
میں نے جائے نماز کو ایک طرف رکھتے ہوئے کہا .
" میں اللہ تعالی سے آپ کے بارے میں کہہ رہا تھا کہ مجھے جنت میں بھی یہی بیوی چاہئیے ... اسی کا ساتھ چاہئیے"
بیگم کے منہ سے خوشی کے مارے نکلا " سچی ! "
میں نے ہنستے ہوئے کہا " مچی ! "
پھر ان کے پاس بیٹھتے ہوئے کہا " مگر آپ کو بھی وہاں اپنی پالیسیاں کچھ ڈھیلی کرنی پڑیں گی . کچھ لبرل ہونا پڑے گا "
بیگم نے حیرت سے دیکھا " کیا مطلب ؟ "
میں نے کہا " مطلب یہ کہ فرض کریں اگر وہاں کوئی حور مجھ سے بات کر رہی ہے... یا میرا سر دبا رہی ہے یا میرے پیر دبا رہی ہے ... تو آپ مائنڈ مت کیجئے گا ... ایک لبرل بیوی کی طرح "
بیگم نے آنکھیں دکھاتے ہوئے کہا " گلا نا دبا دوں اس حور کا "
میں نے اقبال کا مصرع پڑھا ... " تیرے آزاد بندوں کی نہ یہ دنیا ... نہ وہ دنیا "

 

بیوی کی بڑی خوبیوں میں سے ایک بڑی خوبی یہ بھی ہے کہ وہ معاف کردیتی ہے ۔ ۔ ۔
بالخصوص جب وہ غلطی پر ہو !!

 

فرسٹ امپریشن از دا لاسٹ امپریشن

ہماری اردو کے عظیم صارف جو کچھ عرصہ قبل شادی کے بندھن میں بندھے ان کے بارے میں ایک خفیہ خبر یہ ملی ہے کہ انہیں یار لوگوں نے کہا کہ
" ملک صاحب فرسٹ امپریشن از دا لاسٹ امپریشن"
یعنی بیگم پر جو رعب ڈالنا ہے پہلی رات ہی ڈال لینا ۔چھوٹے ملک صاحب کو بات پسند آگئی اور دوستوں سے مل کر پورا پلان بنا لیا۔
چنانچہ پہلی رات کمرے میں داخل ہوئے تو دوستوں نے کھڑکی راستے ایک بلی کمرے میں چھوڑ دی ۔ بلی کی آواز سنی تو چھوٹے ملک صاحب غصہ بھری آواز میں بلی کو بولے
" چپ کرکے یہاں سے دفع ہوجا ورنہ مجھے غصہ آگیا تو تیری خیر نہیں "
اور بلی کو باہر نکال دیا۔
چند منٹوں بعد دوستوں نے بلی پھر اندر پھینک دی
اب کی بار بیگم پر زیادہ رعب ڈالنے کی غرض سے چھوٹے ملک صاحب چلائے
" اوئے کم بخت بلی ۔ باہر دفع ہوجا نہیں تو دیوار سے پٹخ کر تیرے ٹکڑے ٹکڑے کر دوں گا۔ تجھے ابھی میرے غصے کا پتہ نہیں "
بلی کو باہر نکال دیا ۔
خود بیڈ کی جانب بڑھے جہاں نئی نویلی دولہن گھونگٹ نکالے بیٹھی تھی ۔
دوستوں نے بلی پھر اندر پھینک دی ۔
اب کی بار چھوٹے ملک صاحب نے غصے سے لال پیلے ہونے کی ایکٹنگ کی ۔
اچانک نئی نویلی دلہن کا مہندی لگا ہاتھ گھونگٹ کے نیچے سے نکلا جس میں بھرا ہوا پستول تھا۔ ٹھاہ سے بلی کو نشانہ لگا کر ڈھیر کیا اور ہاتھ پستول سمیت واپس چھپا لیا۔
۔
۔
۔
۔
۔
۔
۔
۔
بس وہ دن اور آج کا دن چھوٹے ملک صاحب " بھیگے بلے" بنے نظر آتے ہیں۔ سنا ہے آجکل امارات پہنچ چکے ہیں۔


الکرم ھارون رشید ملک بلال غوری سعدیہ تانیہ سید شہزاد ناصر

 

لگدا آپ کو اس واقعہ کی پہلے سے ہی خبر تھی

 

یہ چھوٹو گینگ سے بھی زیادہ خطرناک " بیگم گینگ" ہے جناب ان کے پاس سب کچھ ہوتا ہے

 

آپ کو ماجھے کے علاقہ سے زیادہ خطرہ ہے؟

 

ویسے میں نے سٹوری میں کہیں بھی ملک بلال صاحب کا نام نامی اسم گرامی نہیں لکھا تھا مبادا ان کی " شوہرت" کو نصقان نہ پہنچے

 

بھئی مجھے تو اس طرح کے معاملات میں کوئی دلچسپی نہیں ۔ کیونکہ میں تو بیگم سے بالکل نہیں ڈرتا

 

لو جی سر جی ملک بلال صاحب بھی شادی کے بعد اپنے "انجام" کو پہنچے۔۔
اب کس کی باری ہے؟

 

ہمارے لئے بھی دعا کیجیئے کہ ہمیں بھی یہ دن دیکھنا نصیب ہو ہاہاہاہا