چین ہی چین ہو تو کون اس کا در کھٹکھٹائے کون اس سے باتیں کرے۔۔۔۔!!

بسم اللہ الرحمن الرحیم

بس بچہ! اللہ دکھ بھری داستان کو بڑے دھیان سے سنتا ہے۔۔۔ کچھ غم مٹا بھی دیتا ہے، کچھ الجھنیں سلجھا بھی دیتا ہے۔۔۔
لیکن اگر سارے ہی غم سلجھ جائیں تو آدمی اور اس میں بات چیت بند ہوجاتی ہے۔۔
بیماری نہ ہو تو کوئی ڈاکٹر کے پاس کیوں جائے۔۔۔۔؟
جھگڑا نہ ہو تو وکیل کس کام کا۔۔؟
بس خود ہی مصیبت بھیجتا ہے اور خود ہی ثالث بن جاتا ہے۔۔۔ اگر زندگی میں راحت ہی راحت ہو۔
چین ہی چین ہو تو کون اس کا در کھٹکھٹائے کون اس سے باتیں کرے۔۔۔۔!!

(بانو قدسیہ)

 

ایک ماں جو سردیوں میں بچے کے گیلے بستر پر خود لیٹ جاتی ہے تاکہ اس کا شیرخوار بیمار نہ ہو اور خود گیلے میں رات بھر سو کر گزارلیتی ہے اور اس ماں کی محبت اور پیار کو اگر ستر سے ضرب دیں تو اللہ تعالی کی شفقت اور محبت کی اکائی بنتی ہے۔

اندازہ لگائیں اللہ تعالی ہمیں کتنا عزیز رکھتے ہیں مگر ہم ہی ناقص العقل ہیں جو اللہ تعالی کی حکمت کو سمجھ نہیں پاتے۔

اللہ تعالی کبھی نہیں چاہتے کہ ہم آزمائش کی چکی میں پسیں بلکہ اللہ تعالی جس کو محبوب رکھتے ہیں انھیں ٹیسٹ کرتے رہتے ہیں مگر اللہ تعالی کی محبت میں کبھی کمی نہیں آتی۔

جو کام ہر انسان کو سرانجام دینا چاہیے وہی کام جب ایک آدھ انسان کرتا ہے تو ہم اسے بزرگ اور مرشد کہتے ہیں۔ جبکہ وہی اطاعت اور بندگی ہم بھی کرنے کی سکت رکھتے ہیں۔