علامہ اقبال ۔۔۔شاعری

یہ بھی اقبال کے نہیں لگتے

 

ہنسی آتی ہے مجھے حضرت انسان پر
فعل بد خود کریں، لعنت کریں شیطان پر
غوری صاحب یہ شعر انشاء اللہ خان انشاء کا ہے علامہ اقبال کا نہیں
امید ہے کہ ناچیز کی اس دریدہ دہنی کا برا نہیں منائیں گے
سلامت رہیں

 

جزاک اللہ
میں نے بھی ریختہ سے ہی تصدیق کی تھی
کسی شاعر کے شعر کی تصدیق کے لئے اس کی فکر سوچ اور اسلوب کو مدنظر رکھنا ضروری ہے اردو ادب میں گنتی کے ہی چند شعراء ہیں جو صاحب اسلوب ہیں جن میں سے کچھ ایسے بھی ہیں کہ انہیں ایک مصرعہ سے پہچانا جا سکتا ہے اس اعتبار سے علامہ اقبال اور مرزا غالب ایسے شعرا ہیں کہ آپ ان کو ایک مصرعے سے پہچان سکتے ہیں افسوس کی بات یہ ہے کہ نیٹ کی دنیا پر بہت سے شعر ایسے گردش کر رہے ہیں جو علامہ اقبال کے نہیں اس بارے میں لوگوں کو اگاہی دینا مرے نزدیک ادبی جہاد سے کم نہیں

 

بجا فرمایا اس معاملے میں سوشل میڈیا سرفہرست ہے

 

سید صاحب اور نظام صاحب آپکی قدر میرے دل میں بہت بڑھ گئی ہے۔ بہت سے اشعار ایسے اقبال رحمت اللہ علیہ سے منسوب ہیں کہ انہیں پڑھ کر مزید اس تھریڈ کو دیکھ کر ہی جی متلانے لگتا ہے۔ اقبال رحمت اللہ جس زمین میں شعر کہتے ہیں اسے تو پڑھ کر ہی دل شاد ہوجاتا ہے

 

ارے آپ تو میرے جان من ہیں

 

آپ کی اعلیٰ ظرفی ہے محترم
شاد و آباد رہیں

 

یہ علامہ اقبال کا شعر نہیں ہے۔ہاںہمارے محلے کےاقبال پکوڑے والے کاہو سکتا ہے۔

 

گستاخی معاف۔ اس لڑی میں جو اشعار علامہ اقبال کے نہیں ہیں ان کو حذف کیا جا رہا ہے۔

 

اس طرح کی علمی اور ادبی بحث کے دوران میں عام طور پر خاموش رہتا ہوں کیوں کہ خاموشی جاہل کا پردہ اور عالم کا زیور ہے مگر جہاں معاملہ اقبال کا ہو وہاں معاملہ کچھ اور ہوتا ہے اس طرح کے اشعار کو اقبال سے منسوب کر کے ہم اپنے مشاہیر کی توہین کر رہے ہیں آپ نے ان اشعار کو حذف کر کے بہت اچھا کیا
جزاک اللہ

 

آپ کو معذرت کی چنداں ضرورت نہیں جو کچھ ہوا وہ لاعلمی میں ہوا انسان اپنی غلطی سے ہی سبق سیکھتا ہے یہ آپ کا ظرف ہے کہ آپ نے غلطی تسلیم کر لی جو انسان اپنی غلطی تسلیم کرے وہ اعلیٰ ظرف ہوتا ہے
میری منتظمین سے گزارش ہے اس لڑی کو حذف نہ کیا جائے ہاں جو اشعار اقبال کے نہیں ان کو حذف کر دیا جائے

 

میشی وش بہن معذرت کی ضرورت نہیں ہے۔ ویسے ہماری اردو کے شاعری کے سیکشن میں آپ کو مکمل کلام اقبال مل جائے گا۔

 

آپ کا مشورہ بہت اچھا ہے۔ اسی مقصد کے پیش نظر جس پوسٹ میں ان کا اقتباس لے کر درستگی کی گئی ہے ان کو حذف نہیں کیا گیا۔

 

جاکڑیے پڑھ لکھ کے گوایا ای

 

کیوں نہ ای ایسی لڑی کھولی جاے جس میں وہ اشعار یا کلام پیش کیا جائے جو علامہ اقبال کے نام سے غلط طور پر منسوب ہے؟
نظام الدین ھارون رشید واصف حسین میشی وش غوری

 

آپ کبیدہ خاطر نہ ہوں عمر کی اس منزل پر ہم بھی ایسے ہی تھے یہ جو تجربہ ہوتا ہے ایک سخت گیر استاد ہوتا ہے جو امتحان پہلے لیتا ہے سکھاتا بعد میں ہے
بہت دعائیں

 

فہم ہمیشہ مطالعہ اور مشاہدہ کا محتاج ہوتا ہے بس آپ ذرا تصدیق کر لیا کریں
اور اب یہ رونی صورت بنائی تو۔۔۔۔۔۔
چلو شاباش مسکراؤ