ترا نام لب پہ آیا تجھے حمد ہے خدایا .محمد عدنان حسن زار

ترا نام لب پہ آیا تجھے حمد ہے خدایا
تجھے حمد ہے خدایا تجھے حمد ہے خدایا

تو نے رحمتوں کا دریا سرِ عام ہے بہایا
تجھے حمد ہے خدایا تجھے حمد ہے خدایا

میں نے جب پکارا تجھکو مری ٹل گئی مصیبت
ہوا مجھ پہ تیرا سایا تجھے حمد ہے خدایا

مرے مولا میرے داتا مرے حال پر نظر کر
توہی میرا ملجا ماوا تجھے حمد ہے خدایا

یہ غمِ جہاں کی آتش مجھے راکھ کر ہی دیتی
جو نہ ہوتا تیرا سایا تجھے حمد ہے خدایا

ترے ذکر کی بدولت مرے گھر میں رونقیں ہیں
مرے گھر کو ہے بسایا تجھے حمد ہے خدایا

میں گناہ گار مجرم ترے در پہ آگیا ہوں
مجھے بخش دے خدایا تجھے حمد ہے خدایا

میں نے جب پکارا تجھکو رگِ جاں سے بھی قریں تر
تجھے ہر گھڑی ہے پایا تجھے حمد ہے خدایا

یہی دل کی ہے تمنا کہ نفس نفس میں مولا
ترا نام ہو سمایا تجھے حمد ہے خدایا

کروں شکر زارؔ اِس پر کہ جناب ِمصطفیٰ کا
مجھے امتی بنایا تجھے حمد ہے خدایا

ازقلم۔
محمد عدنان حسن زار۔
11/05/18​

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین

 

سبحان اللہ
بہت عمدہ
جزاک اللہ خیراً کثیرا​

 

اللہ تعالیٰ آپ کو بھی جزائے خیر عطا کرے آمین

 

ثمہ آمین یا رب العالمین

 

جزاک اللہ
پسندیدگی کا شکریہ